ЖЫЛНААМА, 15-ИЮНЬ: Президенттик аппараттын экс-башчысы Данияр Нарымбаев 58 жашка чыкты

Мамлекеттик ишмер Данияр Нарымбаев 1959-жылы 15-июнда Фрунзе шаарында төрөлгөн. Жогорку билимдүү. 1983-жылы Кыргыз мамлекеттик университетинин юридикалык факультетин аяктаган.

Иш тажрыйбасын Ички иштер министрлигинин инспектору катары баштап, укук коргоо органдарынын түрдүү тепкичтерин басып өткөн.

1995-2002-жылдары – Кыргыз Республикасынын Жогорку арбитраждык соттун төрагасы.

2002-жылы – Юстиция министри.

2005-2006-жылдары – Президенттин Жогорку Кеңештеги өкүлү.

2010-2012-жылдары – Өкмөттүн Жогорку Кеңештеги өкүлү, президенттин Жогорку Кеңештеги өкүлү.

2012-2015-жылдары – Президенттик аппараттын башчысы.

2015-жылы 22-июлда Д.Нарымбаевге "опузалап пара талап кылуу" жана "кызматтык ыйгарым укуктардан аша чабуу" беренелери боюнча айып тагылып, УКМКнын СИЗОсуна убактылуу камакка алынган. 2015-жылдын 27-ноябрында Биринчи Май райондук сотунун чечими менен Нарымбаев "алдамчылык" беренеси боюнча күнөөлүү деп табылып, 3 жылга эркинен ажыратылган. 2016-жылдын 29-декабрында Биринчи Май райондук соту Нарымбаевди шарттуу - мөөнөтүнөн мурда бошотуу боюнча ишти караган. Анда УКМКнын тергөө абагынын башчысынын орун басары Нарымбаевди бошотуу өтүнүчүн келтирген. Соттук коллегия ал өтүнүчтү канааттандырып, Данияр Нарымбаев сот залынан бошотулган.

15-июндун жылнаамасы.

Автор: Нургазы Аматов