ЖЫЛНААМА: 15-ИЮНЬ: Өрткө каршы мамлекеттик кызматына 91 жыл толду

Мындан 91 жыл мурун, тактап айтканда, 1926-жылдын 15-июнь күнү Фрунзе шаарынын Кошчу көчөсүндө (азыркы Абдымомунов атындагы көчө) алгачкы өрт өчүрүү кызматынын тобу түзүлгөн. Бул топ 9 кишиден туруп, аларда кызмат үчүн 4 ат араба, 1 автоунаа болгон. Азыркыдай автоматташтырылган суу бүркүүчү автоунаалар жок, сууну кол менен иштетүүчү насостун жардамы аркылуу чачышкан.

1994-жылдын 28-октябрында Кыргыз Республикасынын өкмөтүнүн №795-токтому менен 15-июнь жыл сайын Өрткө каршы мамлекеттик кызматынын кызматкерлеринин күнү болуп белгиленет.

Азыркы учурда өлкө боюнча 3 миңдей өрт өчүрүү кызматкери, 250дөй атайын унаа бар.

15-июнга карата жылнаама.

Автор: Кызжибек Раимова
Фото: Интернеттен алынды