Транспорт министри Төө-Ашуудагы жолду оңдоо ишинин кечиктирилгенин туруксуз аба ырайына шылтады

Төө-Ашуу жолун оңдоо иши туруксуз аба ырайынан улам кечиктирилди. Бул тууралуу бүгүн, 16-июнда КСДП фракциясынын жыйынында транспорт жана жолдор министри Жамшитбек Калилов билдирди.

Анын айтымында, жолду оңдоп-түзөөгө 80 миллион сом бөлүнүп берилген жана асфальттоо иши башталган. Министр жамгыр жаап, жол кургабагандыктан иш кечиктирилип жатканын кошумчалады жана жолду жамоо иштери бүткөнүн эскертти.

Ошондой эле Калилов Бишкек-Кара-Балта жолун оңдоо иштери башталганын баса белгиледи.

Учурда аталган жыйында Кыргыз Республикасындагы жолдорду куруу жана оңдоо чөйрөсүндөгү абал тууралуу маселе каралып жатат.

Автор: Жылдыз Джускембаева