ЖЫЛНААМА, 16-июнь: 54 жыл мурун биринчи аял космонавт Валентина Терешкова космоско учкан

1963-жылы 16-июнда биринчи аял космонавт Валентина Терешкова советтик “Восток-6” кемеси менен космоско учуп, анын учуу мөөнөтү үч күн, үч түнгө созулган. Терешкованын шарттуу ысымы "Чайка" болгон. Ал 48 жолу жерди айланып чыккан.

СССРдин баатыры, биринчи аял-космонавт, генерал-майор, коомдук ишмер Валентина Терешкова 1937-жылы 6-мартта Орусиянын Ярослав облусуна караштуу Большон Масленниково кыштагында келгин белорустун үй-бүлөсүндө туулган.

1955-1960-жылдары Ярославл жеңил өнөр жай техникумунда сырттан окуп, 1959-жылдан тартып ал Ярославлда парашют спорту менен алектене баштаган. Ошол эле учурда текстиль ишканасында жумушчу болуп иштеген.

Ал 1962-жылы 12-мартта космонавттыкка талапкер болуп катталган.

16-июндун жылнаамасы.

Автор: Жылдыз Джускембаева