Орусиянын чек арасынан кармалган жалгыз бой келинди күйөөсү быйыл 4 кызы менен таштап кеткени белгилүү болду

Орусиянын чек арасынан кармалган жалгыз бой келин Аида Абдыкарыеваны күйөөсү быйыл 4 кызы менен таштап кеткен. Бул тууралуу Абдыкарыеванын 64 жаштагы апасы Батма Үркүнбаева билдирди.

Анын айтымында, кызы эки жылдан бери Орусияда иштеп жүрөт. “Кызым эки жылдан бери келе элек болчу. Ооба, “кара тизмеге” түшүп калдым деп, эжесинин документин пайдаланууга мажбур болгон. Орусияга күйөөсү менен кеткен. Бирок быйыл жаңы жылдан кийин күйөөсү 4 кызы менен таштап кетип калды. Андан кийин кызым балдарын багам деп абдан кыйналды. Чет жерде документтери жакшы болбосо иштеп акча табуу деле кыйын экен. Эми өзүнүн паспортун жаңыртып, кайра барып иштейм деп келе жаткан эле”, - деди Үркүнбаева.

Аида Абдыкарыеванын эжеси Жанара Абдыкарыева аны менен 3 күндөн бери байланыша албай жатканын айтты.

“WhatsApp'ка 15-июнь күнү түн ичинде жолго чыкканда акыркы жолу кирген боюнча баш бакпаптыр. Телефону өчүк, байланыш жок. Эмне болуп жатканын билбейм. Кыздарын да бирөөгө кыска убакытка таштаган экен. Чоң кызы үчүнчү класста окуйт. Анын телефону бар, чалсам ал да апасы менен байланыша албай жатканын айтты”, - дейт Аиданын эжеси.

Жакындарынын билдирүүсүнө караганда, Аида Абдыкарыеванын эки кызы Орусиянын Екатеринбург шаарындагы мектепте окушат, кичинекей эгиз кыздары 4 жашта. 10 жылдан бери чогуу жашаган жолдошу 6 ай мурун үй-бүлөсүн таштап кеткен бойдон кабарын үзүп, жардам да бербей келгенин айтышат Аиданын жакындары.

Эске сала кетсек, Екатеринбург шаарынан Бишкекке келе жаткан 4 кыздуу жалгыз бой келин Аида Абдыкарыеваны орусиялык чек арачылар кечээ, 16-июнда кармашканы айтылган.

Кыргыз Республикасынын Мамлекеттик миграция кызматы бул боюнча мыйзамдуу аракеттер дүйшөмбүдөн тартып көрүлөрүн билдирген.

Кыргыз Республикасынын Ички иштер министрлигинин КМШ өлкөлөрүндөгү өкүлү Аскат Алиев камакка алынган Аида Абдыкарыеванын тагдыры боюнча SUPER.KG тарабынан берилген суроолорду кабыл алганы менен азырынча жооп бере элек.

Автор: Мунарбек Жоргомов

18:36 17-06-2017

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 368 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 388 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 340 0

22:26 2025-06-26 | Коом жана турмуш

27-июнга карата аба ырайы 457 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1860 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1544 0

Архив

Комментарийлер (22)

grace

2017-06-17 19:03:07

2 аял алууну колдогондор ушундай жакшынакай аялын, бала-чакасын таштап кеткен эркектердин жоопкерчилиги тууралуу эмнеге маселе көтөрбөйт? 4 баланы багууну уялбай-сыйылбай жалгыз бой эненин мойнуна асып кеткен эркек сөрөйлөрдү не деп айтабыз? Азыр дагы бир кыздын башын кууратып жүргөндүр, ошол кыздардын убалы уктатпасын акмак атасын...

+47

Seryi-Kardinal

2017-06-17 19:09:14

Уул төрөбөйсүң деп таштап кеткен окшойт күйөө сөрөйү. Башканы алса эле сразу уул төрөп бере койо тургансып. Кыздарынын убалын да ойлош керек

+24

grace

2017-06-17 19:40:43

Seryi-Kardinal,Жапжаш турбайбы, кызды төрөгөн уулду деле төрөмөк...

+19

tynara81

2017-06-18 11:30:21

Seryi-Kardinal,уулду өзү төрөтсө төрөйт да десеңер ээ. Уул төрөбөйсүң деп аялын күнөөлөгөн эркектерде мээ деле жок, аялы баланы өзү жасай тургансып.

aruuke0000

2017-06-17 19:11:12

Байкуш эже аман- эсен кыздарына кайрылып барса экен.Кайсы жерден жудоо корсон зайыпты, ошол жердин уулуна кой айыпты деп туура айтылган. Куйоосу жакшына болуп уй булоосун камсыздап турса, бул эже кантип эле балдарын таштап жер кезип журсун.

+32

Medina87

2017-06-17 19:14:00

Апасынын айтымына караганда документи дурус эмес. А бирок, кыздарын мектепке бергенде бардык документтери дурус болгон ондонот го.
Куйоосуно капа болдум. Чырактай 4 кызды карабай басып кеткенине.
Эмнени эксен ошону оросун дегендей озунон жаралган кыздарда не куноо?
Дегеним; Балким уул керек мага деп басып кеткендир женил ойго жендирип.
Неси болсо да Аидага чыдамкайлыкты, келечектеги бактылуулукту каалайм!

+15

suban78

2017-06-17 19:31:12

Билбей туруп суйлогон туура эмес ко дейм. Мумкун аялындадыр куноо, ажылдап тойгузган болсо кетти да куйоосу, бир берилген омурдо мен да жашайын деп.

-22

grace

2017-06-17 19:39:36

suban78,Макул, аялында да күнөө болсун дейли, кыздардын эмне күнөөсү бар? Жат бирөөлөрдүн колунда калып жатат го. Өзү кыздар уулга караганда күйүмдүү болушат, атасын сонун кылып багып алышмак.

+18

senchi

2017-06-17 19:43:02

suban78,созунузго кошулам. Жакшы соз жан эргитет демекчи куйоосуда 4 кызын таштап кетпесе керек эгер уул торобойсун дегенде кичине кыздары 4 ко чыканча журмок беле

-10

AIZAD

2017-06-17 20:27:27

suban78,10жыл 4кыз торогучо чыдаган эми кандай чыдабай калсын!? Антпей эле оз жанын багып журот да жыргап!!!

jonne

2017-06-17 19:49:08

Штраф толоп чыгып эртерак кыздарынын жанына барса экен биздин чондор жок дегенде 4 кыз учун чуркап кызды чыгарып берип койгулачы ?

+10

jooshbala

2017-06-17 20:25:31

4 кызы менен норма эркек таштап кетпейт бул жерде башка маселе бардай.Балким аялы жаман журуп кеткендир,себеби норма эркек 4 кызын эч качан таштап кетпейт,качан гана аялы жаман ишке барганда козуно чоп салса таштап кетет

-13

meni_kut

2017-06-17 22:10:15

jooshbala,туура норма эркек оз канынан жаралган кыздарын таштабайт.Норма эркек болбогон учун таштап кетти.

AIZAD

2017-06-17 22:34:14

jooshbala,козун чоп салган жаман аялга неге оз кыздарын таштап кетти? "Норма?"- "Не норма?"

Izdeim_seni.

2017-06-17 22:59:13

jooshbala,чоп салганын кордун беле?? Уяты жок десе

bema_bema

2017-06-18 00:44:12

jooshbala,Билип билбей эле бироону куноологон болбойт антип чоп салган деп.Бул кыз биздин айылдан болот ,андай кыз эмес.Куйоосу жон журбогон шудундаган бала болчу.

RusMos76

2017-06-18 00:59:16

Аида эжесинин атыбы ошондо?

Amb7122

2017-06-18 00:59:32

Аял затын аяп асрайлычы туугандар суранам

Truelensk

2017-06-18 00:59:48

Оозуна келгендин баарын оттобогулачы тартайып диванга жатып алып.

Djal1987

2017-06-18 03:39:58

2 аял деген тема тишинин кирин соруп жургон стабильный жумушу жок эркектерден бери ойготту го. Олкобуздун кейпи бул президентибиз ал болсо. Мындай балдары мн калган аялдар толтура азыр. Жоопкерчиликти мойнуна алалбай бир аялды достойно башкара албай арта калып кетип жатышат.2 аялдын балакетин алгырлар. Чубак ажы кайра уй булоонорду тентитпей баккыла озунор иштегиле аялынар 6-7 ден торосун дебей кайра экинчи аял дейт кичине болсо да ойлонуп айттышса болмок озунун кызын бироого 2-аял кылып берсин.

no.comment

2017-06-18 04:46:09

Djal1987, эптеп эле бироого асыла калсанар. Чубак ажын алгач оз жанынды, оз уй-булонду жакшылап бак! Анан да ашып баратсан экинчи уй-булону бак, ошондо да жесир!, жашы откон!, сыяктуу аялды алып бак деп журот. Жаш, сулуу кызга уйлон деген жери жок.

Asylai88

2017-06-18 05:17:22

Копчулук эркектердин колунан уй булоо багыш келбей калган азыр,ошол учун байкуш келин балдарды багам деп жанын тобокелге салып башка жер,башка элде иштеп жургон да. Тиги уй кучук эри жургондур дагы бир акчалуу аялдын тамагын жасап, кирин жууп. 4 кыздын убалы каерге чейин жеткирмек эле бир куну лолудой болуп келет салбырап или бир акчалууга кул болуп жашайт да.А Аидага кыздары менен чогуу болгонго кудай насип этсин.

Комментарий калтыруу үчүн өз ысымыңыз менен кириңиз же каттоодон өтүңүз.