Бишкекке келе жатып, Орусиянын чек арасында кармалган жалгыз бой келин бошотулду. Эми ал "кыздарыма кантип барам" деп кабатырланууда

Орусияда кармалган 4 балалуу жалгыз бой келин коё берилип, бүгүн Кыргыз өлкөсүнө келди. 16-июнь күнү орус чек арачылары тарабынан кармалган Аида Абдыкарыева бүгүн, 19-июнда эртең менен мекенине кирип келгенин SUPER.KG`ге өзү билдирди.

Анын айтымында, чек арачылар Абдыкарыеванын ишин сотко жиберип, 17-июнь күнү сот ага 2000 рубль өлчөмүндө административдик айып салып бошоткон. Бирок чек арачылар аны бир жылга чейин Орусиянын аймагына кире албашын айтышкан.

"Чек арачылар мени депортация кылуу үчүн бүт иш кагаздарын даярдап коюшкан экен. Бирок сот үй-бүлөлүк шартымды эске алып, 2 миӊ рубль административдик айып салып бошотту. Эми Орусия аймагында калган 4 кызыма кантип барам деп кабатыр болуп жатам. Кайра барамбы, жокпу, ушул жактан жардам бере турган адамдар болсо жакшы болмок. Чынында айып пулду да 10 күндүн ичинде төлөш керек экен. Аны төлөй албай айлам кетүүдө", - дейт Аида Абдыкарыева.

Мекендешибиз учурда турмуштун оор сыноолорун башынан өткөрүп жатканын, кыштын оор күндөрүндө 4 кызы менен таштап кеткен күйөөсүнүн үстүнөн арыз менен сотко кайрылуу боюнча да ойлонуп жатканын айтат:

"Жолдошум январь айынан бери үй-бүлөсүн кароосуз таштап койду. Азыр сотко кайрылсамбы деп ойлоп жатам. Чет жерде 4 жаш баланы карап иштөө абдан оор. Чек арачылар кармаган учурда да алгач эле бирөөнүн колунда убактылуу калган кыздарымды ойлоп, абдан кыйналдым".

Эске салсак, Екатеринбург шаарынан Бишкекке келе жаткан 4 кыздуу жалгыз бой келин Аида Абдыкарыеваны орусиялык чек арачылар 16-июнда кармашканы айтылган.

Ал кыздарын Екатеринбургдагы таанышына убактылуу калтырып, паспортун алмаштыруу үчүн келе жаткан. Бирок аны башка бирөөнүн паспорту менен чек арадан өтүүгө аракет кылды деген негизде кармашкан.

Автор: Мунарбек Жоргомов

12:30 19-06-2017

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 368 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 388 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 340 0

22:26 2025-06-26 | Коом жана турмуш

27-июнга карата аба ырайы 457 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1860 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1544 0

Архив

Комментарийлер (15)

Seryi-Kardinal

2017-06-19 12:36:18

kuioonu sotko ber, ozun kamalyp ketpei bowongonuna wugur dep kaira barbai ele koi

kenjebek_a

2017-06-19 12:37:44

Ойдодогу тугонгур депутаттар укту бекен кудай ургур тойбостор.Озгочо СДПКчы мителер.Шайлоо алдындагы убадаларын аткарбайт бул акмактар.Еана Кыргызстан партияСы за завод фабрика убада берген.Озубуздо эле иш болот эле.

suban78

2017-06-19 22:19:20

kenjebek_a, Орустардан айлансан болот. Дагы каапыр деп коебуз аларды, эгер биздин милициянын колуна тушкондо корот элем. Торт бала эмес он торт балан болсо да аяшпайт болчу. Олуп атсан да акчаны алып калышат эле. КРдеги орустарды аяйлы, биякта Россияда журуп коруп атабыз го, ыйман ынсап ушуларда. Боорукер болушат, канча жолу кубо болдум го мен.

tatynam_88

2017-06-19 12:53:29

Озундо да чон куноо бар экен да.бироонун документи менен журуу деген нарушение эмеспи.утеря.паспорт жасатып эле кетсе эч ким камап,штраф салбайт болчу.эми штраф толой албайм деп айласызданбай

meni_kut

2017-06-19 13:01:29

кое бергенине суйун,кесип ийсе эмне кылмак элен?

rejepova

2017-06-19 13:13:42

12 мин эмес,2 мин айып салганына суйунуп эптеп толоп кой. Кыздарынды эптеп алдырып ал жанына

Djal1987

2017-06-19 13:45:53

Баары жакшы болот 4кызынын бешенесине аман эсен болунуз. Аялдын жаны бышык болот экен. 4ту торогон азамат. Болгону эми жалган иштер мн алек болбонуз.

portugalia

2017-06-19 13:48:11

Жаман иш болуптур.Балдары Кыргызстанда болсо да билинбейт болчу.

tynara81

2017-06-19 15:10:40

2000 рубл айып пул менен эле койо бергенине ыраазы болуш керек. Башка бирөөнүн паспорту менен чек арадан өтүү кылмыш да, кесип жибергенде эмне болмок. Орустар кең пейилдигин көрсөтүптүр. 4 баланы ошол жактан окутуп, иштеп жүргөн адам 2000 ди кандай таппасын. Документ алмаштырганы, кайра кеткени деле акча керек эле да.

meni_kut

2017-06-19 17:06:29

tynara81,туура.

Arlenchik

2017-06-19 18:26:21

Соттоп ийбей бошотконуна суйунуп эми ал жака барбай эле гой, кыздарынды алдырып ал.

PeRa

2017-06-19 18:56:22

Кызык, кыздарыма кантип барам деп суроо бербей, кыздарымды кантип кыргызстанга алдырып келем дебейби. Бироонун документин колдонгонго катуу жаза берилмек. Кудайга шугур деш керек.

Emilzima

2017-06-19 19:03:17

Аларда мыйзам иштейт.Гумандуу чечим чыгарыптыр.Ал эми бизде баары белгилуу.Кичине эле илинчээк таап алса "сындырыш" керек деп турушат.Эптеп акча алмай.Ошол левый акчаларга кантип тамактанышат болду экен?

Kroxa

2017-06-20 04:18:07

Атасын таап довереность менен алдырса болот кыздарын орусияга бир жыл киргизбей турган болсо..

nurzada78

2017-06-20 10:25:57

Паспорттунун срогун бутушун карап, алдын алып,чара корсо болмок!Кам жебей жургон кыргызбыз да!

Комментарий калтыруу үчүн өз ысымыңыз менен кириңиз же каттоодон өтүңүз.