Ташиев: "Жарандардын мага эстелик тургузуу ниетин мен колдобойм"

“Жарандардын мага эстелик тургузуу ниетин мен колдобойм”,- деп билдирди камактагы "ата журтчу" депутат Камчыбек Ташиев бүгүн, 16-майда соттук отурумда. Айтымында, ал мындай демилгеси үчүн тарапташтарына ыраазы. “Алар менин эмгегимди баалаганы үчүн мен ыраазымын. Бирок мен өзүмө эстеликти эмгегим жана кылган жумушум менен тургузушум керек деп ойлойм”,- деди ал.

Эске сала кетсек, кечээ жакында Жалал-Абад облусунун Сузак районуна караштуу Барпы айылынын бир катар тургундары айылына К.Ташиевдин эстелигин тургузуу демилгесин көтөрүп чыгышкан.

Автор: Ширин Турдакунова