Бакыт Төрөбаев: “Жол коопсуздугу боюнча форумга келгенге премьер-министр убакыт тапкан жок”

Бүгүн, 23-июнда Бишкек шаарында жол коопсуздугу маселесине арналган форум өтүүдө. Анда “Өнүгүү-Прогресс” фракциясынын лидери Бакыт Төрөбаев иш-чарага бийликтин үч бутагынын жетекчилери чакырылганын, бирок алар келбегенин айтты.

“Президенттин, өкмөт башчынын, Жогорку Кеңештин жол коопсуздугу боюнча маалыматтарын угайын дегенбиз. Алар форумга чакырылган. Бирок, тилекке каршы, президенттик аппарат, премьер-министр убакыт тапкан жок. Эгер бул маселени талкуулаганга келгиси келбесе же айта турган эч нерселери жок болсо, алардын уятында калсын”, - деди депутат.

Мындан тышкары Төрөбаев күндөн-күнгө жол кырсыктарынын саны өсүп баратканын баса белгиледи.

Автор: Жылдыз Джускембаева
Фото: Жылдыз Джускембаева