Ала-Бука районунда окуучулар арасында массалык мушташ чыкты

16-майда Жалал-Абад облусунун Ала-Бука районуна караштуу Сафид-Булаң аймагында район борборунан эс алууга келген мектеп окуучулары менен жергиликтүү мектеп окуучулары арасында массалык мушташ чыкты. Жалал-Абад ОИИБинин маалымат кызматы билдиргендей, окуядан эки тараптан тең жабыркагандар болду. Бир окуучу денесинен алган жаракаттан улам ооруканага жеткирилген. Учурда бул окуя боюнча Ала-Бука РИИБи бейбашчылык беренеси боюнча кылмыш ишин козгоп, териштирүү иштери жүрүүдө. Мындай көрүнүшкө кайрадан жол бербөө үчүн райондо "Тартип" аттуу операция жүрүүдө.

Автор: Автандил Добулбеков