Ферганада бою 2 метр 14 сантиметр милиция кызматкери "Стёпа байке" атка конду

"Стёпа ага" мультфильминдеги балдардын сүймөнчүктүү каарманы

Социалдык тармактардын бириндеги айдоочулар тобунда Фергана облусунда милициянын жол коопсуздугун көзөмөлдөө бөлүмүндө иштеген бою 2 метр 14 сантиметрге барабар кызматкердин сүрөтү кызуу талкууга алынууда.

Топтун мүчөлөрү кызматкердин аты Шерзод экенин, ал учурунда баскетболчу болгонун жазышууда. Айрым колдонуучулар ал жол эрежесин бузган айдоочуларга тиешелүү документ толтурганда, кагаздарын башкалардай капоттун үстүндө эмес, унаанын төбөсүнө коюп алып жазарын билдиришкен.

Жергиликтүүлөр милиция кызматкерин балдар кызыгып көргөн "Стёпа байке" мультфильминдеги башкы каарманга да салыштырып жатканы маалым болду.

Автор: Илязбек Балташев
Фото: Интернеттен алынды