ЖЫЛНААМА, 8-ИЮЛЬ: Уилл Смиттин уулу, актёр Жейден Смит 19 жашка толду

Жейден Смит катышкан "Өспүрүм-каратэ" фильминен кадр

"Бакытты издөө" тасмасында атасы менен бирге роль жараткан

Үй-бүлөсү менен

Америкалык актёр Жейден Смит 19 жашка чыкты. Ал 1998-жылы 8-июлда АКШнын Калифорния штатындагы Малибу шаарында актёрдун үй-бүлөсүндө туулган. Уилл Смит жана Жада Пинкетт-Смиттин тун уулу. Жейдендин тасмага тартылып калуусу айрымдар үчүн мыйзам ченемдүү көрүнүш болсо, өзү үчүн катастрофа болгон. Анткени атасы менен апасынын үйдө көп болбогону, көп убактысын киного арнаганы Жейдендин көкөйүнө тийген эле. 2006-жылы "Бакытты издөө" ("В погоне за счастьем") тасмасына атасынын кыстоосу менен тартылып калган.

2008-жылы Киану Ривз менен "Жер токтогон күн" ("День, когда Земля остановилась") аттуу тасмага тартылган. Жейден актёр гана эмес, каратэ чебери. Анткени 2010-жылы тартылган "Өспүрүм-каратэ" ("Каратэ-пацан") тасмасында башкы ролго тартылуу үчүн кадимки Жеки Чандан каратэ өнөрүн бир жыл бою үйрөнгөн.

8-июлга карата жылнаама.

Автор: Саадат Токтоболот кызы