Тиштерди 10 секундда тазалачу автоматтык тиш щётка чыгарыла баштайт

"Акылдуу" Amabrush тиш щёткасын каржылоо боюнча жаңы долбоор сунушталууда. Анын ойлоп табуучуларынын айтымында, ал тиштерди 10 секундга жетпеген убакытта тазалайт.

Ойлоп табуучулар щёткалары бар капаны (спорт жаракаттарынан тишти коргоочу аспап) сапка тагышкан. Ал тиштерге кийгизилгенде сабынан паста сыгылып, термелип, бир маалда бардык тиштерди тазалай баштайт.

Amabrush компаниясынын билдиргенине караганда, адам өмүрүндө тиш тазалоого 108 күнүн коротот.

"Эгер силер тишиңерди кадимки щётка менен сунушталгандай 120 секунд тазаласаңар, ар бир тишти тазалоого 1,25 секунд кетет, ал эми биздин щётка 10 секундда бардыгын тазалайт", - дешет компаниянын өкүлдөрү.

Автор: Үмүт Абдраимова
Фото: Интернеттен алынды