Орусиялык актёр Сергей Бездушный дүйнөдөн кайтты

Сергей Бездушный

Орусиялык белгилүү актёр Сергей Бездушный кечээ, 12-июлда дүйнөдөн кайтты. Бул тууралуу анын уулу Филипп социалдык тармактагы баракчасына жазып чыкты.

“12-июль күнү саат 12:30да залкар адам дүйнөдөн кайтты. Белгилүү актёр, кең пейилдүү ата Бездушный Сергей Васильевич эми биздин арабызда жок. Ал жан алган оору менен аягына чейин алышууга аракет кылды”, - деген билдирүү калтырган.

Белгилүү болгондой, актёр 53 жаш курагында катуу оорудан улам каза болгон. Дарыгерлер мындан бир канча жыл мурун анын баш сөөгүндө шишик бар экенин аныкташып, 2013-жылы операция жасашкан.

Актёр “Глухарь”, “Ранетки” сериалдарындагы ролдору менен таанымал.