Кытайлыктар "өлбөс" смартфондорду сатыкка чыгарышат

OUKITEL компаниясы колдонуучуларын кубаттуу аккумуляторлуу смартфондору менен гана эмес жогорку деңгээлдеги өндүрүмдүүлүгү жана корголгондугу менен таң калтырып келет. Бул ирет компания K10000 Max смартфонун сатыкка чыгарууга даярданууда. Бул смартфон суудан да, соккулардан да "коркпойт".

Аппарат уникалдуу корпуска ээ болгондуктан соккуларга туруштук бере алат жана ичине суу менен чаң кирбейт. Мындан сырткары ал 10 миң миллиампер көлөмүндөгү аккумулятор менен жабдылган. OUKITEL'дин өкүлдөрү смартфонду аквариумга чөктүрүп, баткакка да салышкан видеосун жарыялашкан.

Мындан улам жаңы смартфондун чыгуусу көпчүлүккө сенсация болору күтүлүүдө. Анын баасы азырынча 249,99 доллар (17 211 сомдой).