СУПЕРСТАН: "Мечиттеги садагага чогулган акча кайда жумшалат жана аны ким эсептеп, көзөмөлгө алат?"

SUPER.KG порталынын "Суперстан" бөлүмүндө "Мечиттеги садагага чогулган акча кайда жумшалат?" деген тема талкууга алынууда.

Темада автор мындай суроо салган: "Менин бул суроомо, балким, таң калат чыгарсыздар. Чынында аз эмес акча топтолот. Алардан ким отчёт алат? Ушул убакка чейин мечиттен баланчага мындай жардам көрсөтүлдү дегенди уккан эмесмин. Мына, гезиттин ар бир жаңы санына кыйын күндү кечирген тагдырлар чыгып жатат. Ушул убакка чейин молдокелердин жардам бергенин билбейм. Балким, менин кабарым жок чыгар, кечирип коюңуздар. Катар-катар менен мечиттердин эле салынганын көрбөсөм. Карапайым калкка пайдасы тийип жатабы? Көзөмөлгө ким алат? Садаганы кайда коротушат?"

Темадагы билдирүүлөр:

"Садаганы эл көзүнө берген же жакшы ишти эл көзүнө көрсүн деп кылган адамга сооп бул дүйнөдө гана жазылып калат. Эгер чын ниеттен бирөөгө жардам берүүнү кааласа купуя бергени жакшы. Ал эми мечитке түшкөн акча молдолордун айлык маянасына (2-3 жылдан бери пайда болуптур), медреседе билим алып жаткан жаштарга (медреседе бекер окутат) жумшалышы мүмкүн. Аны бир Кудай жана муфтий, казылар билет. Ал эми айылдык молдокелер алган акчаны ошол шаарга барып төгүшөт".

"Канча жылдан бери намаз окуп, мечитке каттайм. Ушул садаганын акчасын ким, каякка жумшайт деген суроону эч кимге бербептирмин. Бир билгеним бар ошол мечитке түшкөн акча кайра эле ошол мечиттин өзүнө жумшаларын. Ал жерде миллиондогон акчалар жок. Силер кызыккан ислам дининде, шариятта көп жакшы нерселер бар. Эмне үчүн ошончо жакшы нерселерди көрбөй, ушул кичинекей нерселерден айып издеген адамдарга таң каласың".

"Мечитке барып турганыңда ал акчага маани да бермек эмессиң. Себеби ал акчалар адал нерсеге жумшалат. А битир жана башка учурда чогулган акчалар бей-бечараларга таркатылып берилет. Сен укпасаң же көрбөсөң молдолор жеп алды, же эч кимге таркатып бербей койду деген маанини түшүндүрбөйт. Деги эле молдолордон жардам күтпө, алар сага же башкага жардам берүүгө милдеттүү эмес, тескерисинче, биз аларга жардам берүүгө милдеттүүбүз".

Талкууга кошулгуңуз келсе, бул жакка кириңиз .

Автор: Нуржанат Медетбекова
Фото: Интернеттен алынган сүрөт

16:12 24-07-2017

Жазылуу

РУБРИКАДАГЫ СОҢКУ КАБАРЛАР

23:31 2025-07-13 | Түркүн дүйнө

АКШнын Юстиция министрлиги мурда Трампка каршы иштеген кызматкерлерин кетирди 290 0

22:03 2025-07-13 | Саясат

Каналдагы сууга агып кеткен 21 жаштагы жигиттин сөөгү табылды 1126 0

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 1569 0

19:07 2025-07-13 | Коом жана турмуш

Автобус айдаган аксакал менен жеңил унаанын айдоочусу жакалаша кетти (видео) 1884 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 957 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 954 0

Архив

Комментарийлер (13)

nazira...

2017-07-24 16:59:03

Тооба, мен деле кызыкпаптырмын. Албетте атам замандан бери беребиз кайрымдуулукка кетет да. Жаман нерсени ойлош бул озу куноо го. Молдолор кудайдан коркпосо анда ким коркот, кай жакка сарпталарын элге жар салып айтпаса керек да.

Revolyutsiya2

2017-07-25 02:54:56

nazira..., молдолордун Кудайдан корккону да, коркпогону да бар. Сен муфтияттагы коррупциядан кабарын жок окшойт...

Nur90m

2017-07-25 13:48:12

Revolyutsiya2,сен даййыма дин жонундо соз болгондо баса калып жамандайсында Ээ сага бардыгыле намаз окуса авретин жапса эле фанат экстремист болуп кетеви ошол сирияга сага окшогон динден маалыматы жокторду оной алдап алып кетишет динге асылбай молдо аалымдарга асылбай эле койбойсунбу?!Кудайдын каарына калбагын Кудайга аркы дуйного ишенесинби деги?

Izdeim_seni.

2017-07-24 17:48:50

moldolrdyn kovy kydaidan dele korkyshpait

talant87

2017-07-24 18:36:04

менин айлымда 3 минге жетпеген Адам жашайт тен жарымы шарда но менимче айт намаста 10000 жыйылыптыр мен анча акча жыйылбаса керек дегем

Hadyja

2017-07-24 18:58:22

Биз билбеген,корбогон кедей-кембагалдарга беришет болуш керек.Себеби,коп байкайм,адамдар чын эле жашоодогу оор абалга туш келгенде Мечиттен жардам сурашат.
Туугандар бири-бирибизге ишенишибиз керек.Туура жолдо иштетилет деп ишенем

Djal1987

2017-07-25 02:05:03

Мен бироолордун айыбын ачкан жокмун бирок билип койгула коруппция мечитте да гулдоп турат. Мисалы бекер келген китептерди сатышат молдолор. Ушунусун билем билбегеним да коп. Кресло талашылат. Муфтий билет баарын ошондон сурагыла. Мм дагы мечитте жургондордун баары эле ыйык эмес. Динге тиешелуу иликтоо журсо эле жабалактап болуша кетесинер ойлой окшойсунар ыйык адамдар деп,динди бетке жаап алып алдап соолап жургондор да бар. Кудай тараза.

Revolyutsiya2

2017-07-25 02:58:00

Djal1987, туура айттын, козго сайып корсотуп турсан да чындык менен эсепиешпеген фанаттар кобойуп кетти бул заманда....

Gena1

2017-07-25 09:28:56

Мен мамлекеттик кызматта эмгектенем. Дин жаатында дагы анчалык деле сабатым жок жана дин кызматкерлеринин таламын талашып жаткан жокмун. Эми ушул мечиттеги акчаны айтып чыксам, коомчулук аябай колдоп калат мени деген го... Канткен учурда дагы мечитке берилеген акчанын сообун жараткан озу берет. Антип, дин кызматкерлерине таш ыргыткандан коро мечитке акча бербе дагы айтпа дагы ошончолук шек санасан. Ошол дин кызматкерлери эмгектенгендиктен аздап болсо дагы жакшы жакка бурулуп атабыз деп ойлойм.

Gena1

2017-07-25 09:35:27

А акчасын болсо Чубак ажы Жалиловдой, Максат ажы Токтомушевдей, Абдышукур ажы Нарматовдой акылы тунук аалымдар бар. Сен ойлогонго чейин чечип коюшат. Алар сен экообуздон жакшы билет адал-арамды. Антип сен озунду кыйнабай, колундан келсе мечиттин алдын шыпырып кой сооп аласын.

admin_superstan

2017-07-25 11:15:28

matilla, кимдир бирөөнүн адамдык аброюна шек келтирүүгө тыюу салынган. 2 күнгө БАН!

kayratbek81

2017-07-25 12:50:43

Салаиатсызбы админ суперинфого дин аалымдарын чакырбайсыздарбы мисалы Чубак Жалилов ажы, Абдушукур Нарматов ажыларды ушулга окшогон суроолорго жооп беришмек, алар бутундой кыргыз мусулмандарына пайдалуу кенеш беришмек

admin_superstan

2017-07-25 13:40:08

kayratbek81, саламатсызбы? Сунушуңузга рахмат, эске алабыз.

Комментарий калтыруу үчүн өз ысымыңыз менен кириңиз же каттоодон өтүңүз.