Казак ырчысы Димаш Кудайбергенов MTV Music Awards сыйлыгын алды

Казак ырчысы Димаш Кудайбергенов Кытайдын Шенжень шаарында MTV Music Awards сыйлыгына татыктуу болду. Бул тууралуу казакстандык басылмалар жазып чыгышты.

Маалыматка караганда, ырчынын PR-директору Алпамыс Шаримов дүйнөдөгү эң перстиждүү сыйлыктардын бири Димаш Кудайбергеновго 40 миңдей адамдын алдында тапшырылганын айткан.

"Буга чейин ырчы Казакстандын президенти Нурсултан Назарбаев менен жолукканда MTV Music Awards сыйлыгына көрсөтүлүшү мүмкүн экендигин билдирген. Ошондой эле ал масштабдуу уюштурулган, жандуу үн менен концерт берүүнү кыялданарын айтып, президентке ыраазычылыгын билдирген", - деп жазылат маалыматта.

Белгилей кетсек, буга чейин Димаш Кудайбергенов "Эл аралык деӊгээлдеги популярдуу ырчы", "Азиянын эӊ популярдуу аткаруучусу" аталып, Кытайда болуп өткөн "I am a Singer" музыкалык сынагынын финалында экинчи орунду багындырган.

Автор: Саадат Токтоболот кызы
Фото: Интернеттен алынды