Орусиянын "РусГидро" компаниясы Алмазбек Атамбаевдин маалымат жыйынында айтканы боюнча жооп берди

Орусиянын "РусГидро" компаниясы Кыргыз Республикасынын президенти Алмазбек Атамбаевдин 24-июль күнү Чолпон-Атадагы маалымат жыйында айтканы боюнча билдирүү таратты. Аталган ишкананын басма сөз кызматы тараткан маалыматта Кыргыз өнөктөштөрүнүн, президент Алмазбек Атамбаевдин айткандары негизсиз экени айтылган.

"РусГидро" Жогорку Нарын ГЭСтер каскадын токтотуу боюнча билдирүү тараткан эмес. Өкмөт аралык келишимди Кыргыз тарап бузган. Компания тарабынан долбоорду ишке ашырууга коротулган акча каражаты келишимге ылайык толук кайтарылууга тийиш. Буга чейинки сүйлөшүүлөр натыйжасыз болуп келди. Компания Кыргыз тарап менен карызды кайтаруунун жолдорун талкуулоого даяр", - деп айтылат "РусГидро" компаниясынын басма сөз кызматы тараткан маалыматта.

Ошондой эле басма сөз кызматынын маалыматында, эгер Кыргыз тарап карызды кайтарбаса компания эл аралык арбитраждык териштирүүгө барары айтылат.

Айта кетсек, Кыргыз Республикасынын президенти Алмазбек Атамбаев 24-июлдагы маалымат жыйыны учурунда Жогорку Нарын ГЭСтер каскадын курууда орусиялык “РусГидро” компаниясы менен келишимдин токтотулганы туура болгонун айткан. “Мен, Орусиянын президенти дагы Жогорку Нарын каскадын жана Камбар-Ата 1-ГЭСин компания курбай жатканына таң калды. Биз АКШны же Орусияны карабай Кыргыз мамлекетинин кызыкчылыгын ойлошубуз керек”, - деп билдирген болчу Атамбаев.

“РусГидро” 2012-жылы Кыргыз Республикасында Жогорку Нарын ГЭСтер каскадын курууну пландаган. 2013-жылы курулуш иштери башталган болчу. Бирок 2016-жылдын башында Жогорку Кеңеш 2012-жылдын 20-сентябрында кол коюлган Камбар-Ата-1 ГЭСин жана Жогорку Нарын ГЭСтер каскаддарын куруу жөнүндөгү келишимди жокко чыгарган.

Автор: Бекжан Рыскулов
Фото: Интернеттен алынган

08:23 26-07-2017

Жазылуу

РУБРИКАДАГЫ СОҢКУ КАБАРЛАР

18:00 2025-06-27 | Саясат

Ош шаарынын мэри Элдик Курултайдын катчылыгынын жетекчисин кабыл алды 17 0

17:50 2025-06-27 | Кылмыштар, кырсыктар

Аламүдүн райондук сотунун судьясы шериги менен опузалап акча талап кылууга шектелүүдө 71 0

17:45 2025-06-27 | Түркүн дүйнө

Иранда дагы бир өзөктүк илимпоз каза болду 164 0

17:35 2025-06-27 | Түркүн дүйнө

Түштүк Кореяда Түндүк Кореяга материал жөнөтүүгө аракет кылган 6 америкалык кармалды 154 0

17:24 2025-06-27 | Коом жана турмуш

Өлкөдө 189 абитуриентке ЖРТ сертификаты берилбейт. Себеби 339 0

17:20 2025-06-27 | Коом жана турмуш

Тарыхый жетишкендик. Окуучулар киберкоопсуздук боюнча олимпиададан байгелүү кайтышты 97 0

Архив

Комментарийлер (5)

Alixan-Nookat.2015

2017-07-26 08:31:24

Жон эле журбойсунорбу Путин аванын жинине тийбей эртен жанагы кечип жиберген миллиондогон долларды кайтар деп журбосун.

+15

nurbekasr

2017-07-26 08:36:34

Тилин тартып жөн жүрбөйт экен да.Президент деген өз ишин так билип,сүйлөй турган сөзүнө анализ жасап анан сүйлөсө.Эми залакасы тийбесе эле болгону өзүбүзнө.Жарыктык киши десе,пейили ушундай экен да эми тили менен БАЛП эттирип коюп.

+10

salimbek87.kg

2017-07-26 09:33:24

Ээ Аша дайым сүйлөгөн сөзү каша

+18

tular

2017-07-28 01:31:46

Орустардын акчасы жетпей калган себеби акчаларын Сиридагы согушка жумшап коюшкан, экинчи себеп Европа олкалору Орусияга санкция киргизип кислороддорун бууп коюшкан, ушул себептер менен Орусия курулушту токтотууга мажбур болушканда. Анан Кыргыз тарап келишимди бузган дейт. Ойлоп корсонуздор, ким эле отказ кылсын ГЭС куруп берип жатса.

tular

2017-07-28 01:33:09

Орус менен дос болсон айбалтанды ала жур деп ата бабалар бекеринен айтышпагындыр.

Комментарий калтыруу үчүн өз ысымыңыз менен кириңиз же каттоодон өтүңүз.