ЖЫЛНААМА, 1-АВГУСТ: Жаш актриса Рахат Божокоева туулган күнүн үй-бүлөсү менен белгилей турганын айтты

Жаш актриса Рахат Божокоева бүгүн, 1-августта 23 жашка чыкты. Аны SUPER.KG порталы куттуктап байланышканда, өздүк майрамын жакындарынын курчоосунда белгилей турганын айтты.

"Чынын айтсам бүгүн аябай көп адамдар куттуктап байланышып жатышат, алардын арасынан силердин чалууңар абдан күтүүсүз болду. Бүгүн эртең мененкиге пландаган жумуштарым бар болгондуктан, кечээ эрте эле жатып алгам. Бирок ага да карабастан түнкү саат 12де досторум, курбуларым белектерин көтөрүп алып үйгө келишип, уктап жаткан жеримден ойготуп куттуктап кетишти. Андан соң ата-энем, жакындарым да куттуктап маанайымды көтөрүштү. Бизде менин туулган күнүм - жалгыз эле өзүмдүкү эмес, жалпы үй-бүлөбүздүн майрамы. Мындан улам бүгүн кечинде борбордогу эс алуу жайлардын биринде үй-бүлөм менен чакан кече өткөрөлү деп турабыз", - деди актриса.

Рахат Божокоева 1994-жылы 1-августта Бишкек шаарында туулган. Бала кезинен бий менен алектенип, сахнада чоңойгон. Концерттерде бийлеп жүрүп ырчылар менен таанышып, чыгармачылык чөйрөгө аралашып калган. Ал Сайкал Садыбакасованын "Ыйлатпачы", Гүлнур Сатылганованын "Сага", Мирбек Атабековдун "Мөлмөлүм" жана башка бир топ клиптерде, "Сүйөм дечи", "ДвижЭние кылыш керек", "Сагын", "Эне жүрөгү" тасмаларында роль жараткан. Учурда киного тартылуудан сырткары алпаруучулук менен да алектенет.

1-августтун жылнаамасы.

Автор: Наргиза Талантбекова
Фото: Интернеттен алынды