Бишкекте "шаар тургунунан акча алып, качып кеткен" деп шектелген жаран кармалды

Бишкекте алдамчылыкка шектелген жаран кармалды. Бул тууралуу бүгүн, 2-августта Бишкек шаардык ички иштер башкы башкармалыгынан билдиришти.

Маалыматка караганда, ушул жылдын башында милиция кызматкерлерине шаар тургуну кайрылып, Арстан аттуу чала тааныш жигит алдап кеткенин айткан.

"Арстан аттуу жигит шаар тургунунан "Хонда Фит үлгүсүндөгү унааны 1500 долларга, Лексус үлгүсүндөгү унааны 2500 долларга жана ноутбукту 2000 сомго сатам" деп акча алып, бирок эки унааны, ноутбукту бербей качып жүргөн. Бул факт боюнча кылмыш иши козголуп, кылмышка шектүү катары 28 жаштагы Б.А. кармалды. Учурда ал убактылуу кармоочу жайга киргизилип, башка кылмыштарга катыштыгы бар же жогу такталууда", - деп айтылат Бишкек ШИИББинин маалыматында.

Автор: Бекжан Рыскулов