ЖЫЛНААМА, 2-АВГУСТ: "Аватар" тасмасынан соң атактуулугу арткан Сэм Уортингтон 41 жашка толду

Австралиялык актёр, коомчулукка “Аватар”, “Терминатор: Куткаруу”, “Мурунку түнү Нью-Йоркто”, “Титандардын кол салуусу” тасмалары аркылуу белгилүү болгон Сэм Уортингтон бүгүн, 2-августта 41 жашка толду. Ал 1976-жылы Англияда туулуп, бала кезинен тарта Австралияда жашаган.

Сэм Уортингтон

Ал мектепти аяктаган соң Сиднейдеги Драмалык улуттук институтуна тапшырганы менен актёрлук кесипке өтө көп кызыга берчү эмес. Өзүнүн айтуусунда, анын кино тармагына аралашып калганына студенттик кездеги сүйүүсү себеп болгон. Тактап айтканда, актёр өзү окуган окуу жайдагы бир кызды жактырып калып, экөө көпкө сүйлөшүп жүрүшкөн. Дал ошол кыз Сэмдин актёрлук шыгын байкап, тасмага түшүүнү каалагандар үчүн өткөрүлгөн сынактарга жибере берген.

Студенттик күндөрү бардар жашоодо өткөн эмес. Мындан улам актёр сабакка баруунун ордуна курулушта таш ташып иштөөгө аргасыз болгон.

Актёр 2006-жылга чейин австралиялыктар тарткан бир нече тасмаларга тартылганы менен, аны көп адам тааный берчү эмес. 2007-жылы Жеймс Кэмерондун “Аватар” тасмасынын тандоо турунан өтүп, башкы каармандын образын жеткиликтүү ачып берген соң дүйнөгө атагы чыккан. Бул тасмадан соң ага киного тартылуу боюнча сунуштар биринин артынан бири келип, “Терминатор: Куткаруу”, “Титандардын согушу”, “Эверест” тасмаларына тартылган.

Сэм өзүн белгилүү эмес, Австралиядагы кадимки эле карапайым адам экенин айтып келет. Ошондой эле журналисттерге “эгер менин “жылдыз оорусуна” кабылганымды байкасаңар дароо бетиме бир чапкыла, мен уруксат берем” деп айтканы бар.

Уортингтондун айтуусунда ал ушул кезге чейин машина алып, айдап көргөн эмес. “Машина менен уюлдук телефонго муктаж эмесмин. Себеби мага улам сайын ар ким байланышып, тынчымды алууларын каалабайм”, - деген ал. Ошондой эле кийимге да көп маани бербесин кошумчалаган.

“Кымбат баалуу кийим алуунун максаты эмнеде экенин азыркыга чейин түшүнбөйм. Өзүмө жаккан гана кийимдерди кийүүнү каалайм. Мисалы, менин бут кийимим бирөөгө жакпай же кийип турган костюмум менен дал келбей калса, мага баары бир. Эң негизгиси өзүмө жакса болду”, - деген актёр.

Актёр 2014-жылы Лара Бингл аттуу моделге үйлөнгөн. Учурда түгөйлөрдүн Рокет жана Рейзор аттуу уулдары бар.

Жубайы Лара Бингл менен

2-августтун жылнаамасы.

Автор: Наргиза Талантбекова
Фото: Интернеттен алынды

12:07 02-08-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1375 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1331 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1479 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1487 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 832 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2814 0

Архив

Комментарийлер (2)

dastan_nookat

2017-08-02 12:29:06

Чыныгы актёр

nurik-95

2017-08-03 11:00:30

ушундай болуш керек биздикилерге окшобой мен акыркы брендтеги кийимдерди кийем бул магазинден кийим алам дебей айтышатко жөнөкөйлүк адамдын жылдызы деп жылдызы жанган адамга сахнанын көркүн ачкан адамга кандай кийинседа жараша берет

Комментарий калтыруу үчүн өз ысымыңыз менен кириңиз же каттоодон өтүңүз.