Бишкекте поезд жеңил унааны сүзүп кетти

Поезд унааны оң капталынан сүзгөн

Кырсык болгондон 1 сааттан кийин унааны жүктөп кетишти

Жеңил унаанын айдоочусу Сапарбек Райымбеков

Жол кырсыгы унаа тыгынын жаратты

Атын айткысы келбеген поезддин айдоочусу

Жол кыймылынын коопсуздугун көзөмөлдөө кызматынын кызматкерлери

Жол кыймылынын коопсуздугун көзөмөлдөө кызматынын өкүлдөрү кырсыкты териштирүү учуру

"Иштеген", "иштеген эмес" деп талаш жараткан темир жолдогу жол чырак

21-майда Бишкекте катуу жүрүп келе жаткан поезд темир жолду кесип өтмөчү болгон Хонда унаасын сүзүп кетти. Кырсыктан каза болгондор жок, окуянын чоо-жайы иликтенүүдө. Жеңил унаанын айдоочусу 23 жаштагы Сапарбек Райымбеков поезддин келе жатканын билдирген жол чырак күйбөгөнүн, мунун айынан поездди көрбөй калганын айтат.

“Менин алдымда бара жаткан унаа темир жолдон өтүп кетти. Мен дагы анын аркасынан өтөйүн десем, каршы тараптагы унаалар токтоп туруптур. Бирок эч кандай жол чырагынын кызылы күйгөн жок. Анан мен темир жолдон өтө берерде оң капталымдан вагон келе жатканын көрдүм”,- деди айдоочу.

Окуя болгон жерге ИИМдин Жол кыймылынын коопсуздугун көзөмөлдөө кызматы менен Темир жол кызматынын кызматкерлери барышып, кырсыктын келип чыгышын териштирүүдө. Бирок поездди башкарып келе жаткан адам окуя тууралуу сүйлөп берүүдөн баш тартты. Учурда тергөө амалдары улантылууда. Айта кетсек, кырсык Т.Фрунзе-Л.Толстой көчөлөрүнүн кесилишинде орун алды.