Америкалык жашоочу аутист кызынын кубанычын көрүү үчүн 52 миллион долларга парк куруп берген

Морган ата-энеси менен

Морган азыр 23 жашта

Морган атасы Гордон Хартман менен

Американын Техас штатынын Гордон Хартман аттуу жашоочусу бир күнү өзүнүн үй-бүлөсү менен эс алуу үчүн бассейнге барган. Бассейнде өзүнүн 12 жаштагы кызы Морган менен жаш балдар ойнобой, качып жатканын байкайт. Муну көргөн Моргандын атасы кызын бактылуу кылуу үчүн өзгөчө идея ойлоп табуу керектигин түшүнгөн.

"Морган бассейнде жүрүп балдар менен достошуп, ойногусу келди. Бирок ал кайсы балага жакындабасын суудан чыгып, тетири басып кетип жатышты. Морган аутизм менен жабыркагандыктан анын акылы 5 жаштагы баланыкындай. Морган - таң калычтуу леди. Ал сизди көрсө сөзсүз жылмаят, ал тургай сизди кучактап да алат", - деген атасы кызы жөнүндө.

Бул окуядан кийин Хартман аялы менен чогуу аутизмден жабыркаган балдардын ата-энелерине "Балаңыз өзүн эркин сезүүсү үчүн кайда алып бармаксыз?" деген сурамжылоо жүргүзүшүп, андай жай жок экенин билишкен. Гордон Хартман бизнес-ишканаларын сатып, "Гордон Хартмандын үй-бүлөлүк фонду" кайрымдуулук уюмун негиздеген. 2007-жылы акыл-эси толук жетилбегендер үчүн эс алуу жайынын курулушун баштаган.

"Биз ден соолугу чың адамдар менен катарлаш эле ден соолугунун мүмкүнчүлүгү чектелген, акыл-эси толук жетилбеген адамдар да толук кандуу эс ала турган жайды курууну кааладык. Дарыгерлердин, ата-энелердин кеңештеринин негизинде паркка балдар үчүн пайдалуу жана ыңгайлуу жабдыктар орнотулган. Парк жалпысынан 10 гектар аянтты ээлеп, ага 34 миллион доллар каражат жумшалды. 2010-жылы ачылган паркты кызыбыздын атынан "Моргандын ажайып өлкөсү" деп атадык", - дешкен түгөйлөр.

Парк ачылгандан бери дүйнөнүн 67 өлкөсүнөн жана Американын 50 штатынан миллиондон ашык адам келип, Хартманга ыраазычылыгын билдирип кетишет. Мындай ыраазычылык аны андан ары да шыктандырып, бул жылы 17 миллион долларга "Моргандын шыктандырган аралы" деген аталыштагы сууда эс алуучу паркты ачып, эс алуу жайын кеңейткен.

"Бир киши келип колу менен сууда ойноп жаткан баласын көрсөтүп ыйлады. Ал мага ыраазычылык айтып жатып баласы буга чейин эч бир жайда өзүн мынчалык эркин сезбегенин, дегеле сууда ойнобогонун билдирди. Морган азыр 23 жашта. Мурункудан абалы бир аз жакшы, парк анын атынан коюлганын билет. Адамдар менен да көбүрөөк сүйлөшүп калды", - дейт Гордон Хартман.

Гордон Хартман эми ден соолугунун мүмкүнчүлүгү чектелген, аутист балдарга билим берүүчү мекеме ачууну пландап жатат. Учурда анын кызы Моргандан мурдагыдай качкандар жок. Тескерисинче, ал паркта атасы менен сейилдеп жүргөн кезде келип сүрөткө түшүүнү каалагандар көп.

Автор: Кызжибек Раимова
Фото: Интернеттен алынды

11:39 05-08-2017

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (7)

General.kg

2017-08-05 11:43:48

АЛЛАХЫМ ыраазы болсун.

+21

Benazir08

2017-08-05 11:48:19

Эн сонун иш кылыптыр... Бизде мындайлар уч уктасан тушко кирбейт... Мумкунчулугу чектелген деп аларга такыр эле шарт тузуп бере албайбыз

+20

admiral

2017-08-05 12:01:35

Мумкунчулугу чектелген адамдардын конулун которуу кандай сонун нерсе.. Ким билет бул инсан учун, бейишттен Кудай мындан мин эсе кооз парк даярдап койгондур.

+22

aika2015

2017-08-05 12:11:22

Окуп козумо жаш алдым... бала учун ата эне баарына даяр.

+19

kenjebek_a

2017-08-05 12:41:16

Бизде шарт тузмок турсун сотко берип олчойгон штраф салат.Кан басымы которулуп ооруканага тушсо кайра табалап жатышат жугундукорлору.

dinikyz

2017-08-05 16:23:58

Аллахым ыраазы болсун ушундай адамдар кобойсун

asil-08

2017-08-06 00:45:58

Бул паркка киргендерге платный болсо керек же бекер киришет бекен, сонун парк экен.

Комментарий калтыруу үчүн өз ысымыңыз менен кириңиз же каттоодон өтүңүз.