Министрлик: "Арча-Бешик жаңы конушунда дааратканадан табылган ымыркайдын абалы жакшырууда"

Арча-Бешик жаңы конушунда дааратканадан табылган ымыркайдын абалы жакшырууда. Бул тууралуу бүгүн, 7-августта Саламаттыкты сактоо министрлигинен билдиришти.

Министрликтин маалыматында, ымыркайдын абалы күндөн-күнгө жакшырып жатканы жана кислороду жок дем алып, өзү эмип калганы айтылат.

Айта кетсек, ушул жылдын 31-июль күнү Арча-Бешик конушундагы үйлөрдүн бириндеги дааратканадан ымыркайдын ыйлаганы угулган. Үйдүн ээси жаңы төрөлгөн кызды ал жерден алып чыгып, "Тез жардам" кызматына өткөрүп берген. Ымыркай дароо Бишкектеги №3-балдар ооруканасынын жандандыруу бөлүмүнө жаткырылган. Ошол учурда ал оор абалда болгон.

Бишкек ШИИББи бул факты боюнча кылмыш ишин козгоп, ымыркайдын энеси изделип жатат.

Автор: Бекжан Рыскулов