VAIO ноутбуктары көп жылдык тыныгуудан кийин кайрадан сатыкка чыгат

Sony компаниясы биринчилерден болуп мындан 20 жыл мурун VAIO брендиндеги ноутбуктарды чыгарган. Көп жылдар бою чыгарылбай калган ноутбуктар кайрадан сатыкка коюлат.

2014-жылы компаниянын бул бөлүгүн япониялык JIP ишканасы сатып алып, ноутбуктар чыкпай токтоп калган. Жакында эле Пекинде VAIO'нун конференциясы өтүп, өндүрүшчүлөр анын кайрадан сатыкка чыгарын жарыялап, жаңы үлгүдөгү VAIO S13 жана Z13 ноутбуктарын көрсөткөн.

Заманбап үлгүдө жасалган бул ноутбуктардын толтурулган кубаты 12,5 саатка жетет. Core i5 базасындагы VAIO S13 ноутбуктары 1 420 доллардан, Core i7 базасындагы S13 ноутбуктары 1 780 доллардан сатылары күтүлүүдө. Ал эми акыркы үлгүдөгү деп саналган заманбап VAIO Z13 ноутбуктар 1 989 доллардан сатыкка чыгат.

Автор: Кызжибек Раимова
Фото: Интернеттен алынды