СУПЕРСТАН: "Уялганымдан жерге кирип кетким келди..."

SUPER.KG порталынын "Суперстан" бөлүмүндө колдонуучулар өздөрүнүн ыңгайсыз абалда калган, күлкүлүү окуялары менен "Уялганымдан жерге кирип кетким келди" деген темада бөлүшүшкөн.

Темадагы билдирүүлөрдөн:

"Кыштын күнү. Жер аябай муз болчу, көчөгө чыксам коңшу бала үч-төрт досу менен туруптур. Мага тийишип "чоң кыз, сиз менен таанышып алса болобу?" десе акшыйып карап, өзүмчө кыйын болуп алардын жанынан өтүп кеткем. Эки-үч кадам таштаганда эле тайып эки бутум асманды карап, чалкаман түштүм. Сумкам бир жакка, өзүм бир жакка, баш кийимим кыйшыйып, көзүмдү жаап калды. Анысы аз келгенсип, баштыгымдын оозу ачылып, дүнүйөмдүн баары туш-тушка чачырап кетиптир. Бир жигит аларды жыйнап жүрөт, бирөөсү келип, баш кийимимди оңдоп "сизге эч нерсе болгон жокпу?" деп сурап коёт. Үйгө кайра кирип кеттим, бир жерге бармакмын, уялып чыга албайм же алар кетишпейт.

Кээде ойлоп "тушоомду кестиңер беле?" деп апамдан сурап коём. Дагы бир жолу дос кызымдын үйүнө баргам. Ал бир досу менен тааныштырган. Кетип баратсам тиги жигит узатып коёюн деп чыкты. Жер баткак, жаз, күндүз эле эки колумду чөнтөгүмө салып алып, кыйын болуп бараткам. Бутум зымга илинип, бетим менен жерге сайылдым. Таянып калайын деп эки колумду чөнтөгүмдөн чыгарганга жетишпей калдым. Мен өзүм ичим эзилип күлүп жатам, тиги жигит эмне кыларын билбей жаман болду. Мен кеткенден кийин аябай күлсө керек".

"Эки-үч жыл мурун дос кызым экөөбүз караокеде эс алып жүрөбүз. Эми кетели деп жатсак, эки жигит келип бизге кошулуп калышты. Алар менен таанышып, бир кружкадан пиво ичип, биз аларга чейин эле ичип отурганбыз, калгыла дегенине карабай кетип калдык. Үйгө кетип баратсам чөнтөгүмдөн рингтону башкача телефон чырылдайт. Түшүнбөй карап туруп, тааныш эмес номер, тигилерге номер таштагандай деле болгон жок элем деп трубканы алып "ким бул?" деп жинимди келтирип алгам. "Чоң кыз телефонду кайтарып бериңизчи" дейт. Көрсө, тигилердин телефонун алып кетип калыптырмын. Менин телефонумдун эле башка түстөгүсү экен. Өзүмдө эки телефон бар болчу, тигиникин дагы салып алыптырмын, эмнеге чөнтөгүм оор деп койгом. Анан "ай, кечирип коюңуз" деп кайтарып бергем".

"Шефим эле жинге тийип кээде ишемби күндөрү деле жумушка чык дей берет. Анан жаман оюмда азыр чалса көчөдө жүрөм дейм деп ойлодум. Үйдө жатам, бир маалда коңгуроо келди, алсам айткандай эле шефим экен. "Жумушка чык" десе мен "жок, мен көчөдө жүрөм" деп жатпаймынбы. Ал "а-ай, мен сенин үй телефонуңа чалдым го" десе, кирерге тешик таппай калбадымбы. Mен байкабай эле көчөдөмүн деп "ышкырта" берипмин да".

Күлкүлүү окуяларыңыз менен бөлүшкүңүз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

17:52 10-08-2017

Жазылуу

РУБРИКАДАГЫ СОҢКУ КАБАРЛАР

23:44 2025-06-27 | Коом жана турмуш

28-июнга карата аба ырайы 293 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 1373 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1052 0

21:53 2025-06-27 | Саясат

ЕАЭБ жыйынында бир нече документтерге кол коюлуп, кабыл алынды 453 0

21:38 2025-06-27 | Коом жана турмуш

Такыр-Төр көлү жарылганына байланыштуу 950 адам эвакуацияланды 1312 0

21:17 2025-06-27 | Саясат

ЕАЭБ аймагынан кайра иштетилүүчү кагаз жана картонду алып чыгууга убактылуу тыюу салынды 344 0

Архив

Комментарийлер (5)

Aidani

2017-08-10 18:04:56

Озубуз туштуктон болобуз, синдим Чуйго турмушка чыгып торой турган болуп калган, кайнатасын караганга киши жок болуп, синдим тороп келгиче кайнатасын мен карап атам, сарайда малдары аябай коп болчу, кун бурколуп калган кезде, куда келип, кудача айры коргон жоксунбу деп калды. Мен жок дедим. Бир сааттан кийин дагы эле айры деп издеп журот, анан сурадым айрыны эмне кыласыз десем, чоп жыйам дейт, ии кун буркокто айры деле чакпайт болуш керек деп коем,

Aidani

2017-08-10 18:10:19

Чон бачок бар эле ошонун ичинен айрынын уюгун коргом десем, ичине тушуп алып чыгалбай калып атпайбы, айры жок десе, уясы бар экенби десем эле каткырат, корсо бешилик издеп журуптур да куда, биздин райондо бешилик дейт, Талас Чуй жакта айры дейт экен, аарыны бизде айры дейбиз да. Куда бешилик издесе, чоптун арасынан аары чагып албасын деп аткан го деп, кыскасы экообуз эки башка нерсе издеп, ошондо уялганымдан аран турган элем

lady_91

2017-08-10 23:19:11

Aidani,ичим эзилди окуп)))))

Tyty1990

2017-08-10 22:45:36

Мектепте эртең менен тизип көнүгүүлөрдү жасап анан сабакка киргизет эле. Эртең менен шашып мектепке келдим. Ичип ооруп жатканынан ажатканага жетишпей калдым. Келип эле мен да көнүгүү жасап кирдим,бир маалда ич катуу ооруп баштады. Акырын жел чыгарып койоюн деп кой берсем дарт деп катуу чыгып кетти. Окуучулар тык токтоп мен жакты карап күлө баштады. Мен болсо сыр бербей , мен эмес артымдагылар деп артымды карасам эч ким жок уялганыман качып жөнөдүм үйдү көздөй. Сабакка келбей койдум ошол күнү.

dosym

2017-08-11 01:05:46

Мектепте сабак берип жаткам, окуучуларды жоктоп келип калды, ким жок десе толук эле деп койдум сабакты бөлбөйүн деп, Алдыда олтурган кыз, агааай сиз дагы алдайт экенсизда дегенде, өтө уялгам

Комментарий калтыруу үчүн өз ысымыңыз менен кириңиз же каттоодон өтүңүз.