Кара-Балта шаарында бокс боюнча 2-эл аралык мелдеш өтөт

5-8-июнь күндөрү Чүй облусунун Кара-Балта шаарындагы “Манас” спорт-комплексинде Мамыт Акеровдун жаркын элесине арналган 2-эл аралык мелдеш өтөт. Бул тууралуу Мамлекеттик дене тарбия жана спорт агенттигинин басма сөз катчысы Нурдин Султамбаев билдирди. Мелдеште 1997-1998-жылы туулган Кыргызстан, Өзбекстан, Казакстан, Тажикстан жана Орусиянын мушкерлери күч сынашат. Айта кетсек, Мамыт Акеров дене тарбия жана спортко эмгек сиңирген ишмер жана бокс боюнча эмгек сиңирген машыктыруучу катары таанымал.

Автор: Мээрим Жеңишбек кызы