Сериалдарды көп көрүү - уйкусуздукка алып келет жана эс-тутумду начарлатып, адамды "зомбиге" айлантат

Бир отурганда сериалдын бир сезонун толугу менен көрүп коюу же анын көп сериясын көрүп бүтүрүү адамдарды "зомбиге" айлантат. Мындай жыйынтыкты окумуштуулардын изилдөөлөрү көрсөткөнүн америкалык "Journal of Clinical Sleep Medicine" журналы жазып чыкты.

Маалыматка караганда, сериалдарды көрүүгө ашыкча убакыт коротуу уйкусуздукка, адамдын реакциясынын жай болушуна жана эс-тутумдун начарлашына алып келет.

"Так талашуу оюну" ("Игра престолов") же болбосо "Басып жүргөн өлүктөр" ("Ходячие мертвецы") сыяктуу көрүүчүнү экранга байлап ала турган сериалдарды көргөн адамдар анда болуп жаткан окуялардан аябай таасирленишет. Андыктан уктайын деп жатканда дагы ал жөнүндө ойлонуп, жакшы эс алышпайт", - деп билдирген Бельгиянын Лёвен университетинин окумуштуусу Лизе Экселманс.

Экселманс жана анын АКШнын Мичиган штатындагы университеттен кесиптеши Ян ван ден Бюлк 400дөй студентти чогултуп, изилдөө жүргүзүшкөн. Жыйынтыгында ага катышкандардын 80 пайызы бир отурганда сүйүктүү сериалдарынын 10-12 сериясын көрөрү аныкталган. Ал эми алардын үчтөн бир бөлүгү сериалдын көп эпизоддорун көргөндөн кийин бир нече күн, кээде жумалап уктай албай кыйналышарын билдиришкен.

Сурамжылоолордун жыйынтыгына караганда, сериалдар акыркы учурда ток-шоу жана башка көңүл ачуучу телекөрсөтүүлөрдөн ашып, эң популярдуу телевизиондук программаларга айланган. Эң белгилүү сериалдарды күнүнө орточо эсеп менен 10 миллиондогон адамдар көрүшөт.

Жогоруда айтылган сериалдын тийгизген кесепеттеринен арылуу үчүн адамдардын белгилүү убакыттан кийин телевизорду өчүрүп коюучу таймерди колдонуусу зарыл экенин окумуштуулар эскертишкен.

Автор: Саадат Токтоболот кызы
Фото: Интернеттен алынды

10:31 17-08-2017

Жазылуу

РУБРИКАДАГЫ СОҢКУ КАБАРЛАР

23:44 2025-06-27 | Коом жана турмуш

28-июнга карата аба ырайы 355 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 1577 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1161 0

21:53 2025-06-27 | Саясат

ЕАЭБ жыйынында бир нече документтерге кол коюлуп, кабыл алынды 486 0

21:38 2025-06-27 | Коом жана турмуш

Такыр-Төр көлү жарылганына байланыштуу 950 адам эвакуацияланды 1399 0

21:17 2025-06-27 | Саясат

ЕАЭБ аймагынан кайра иштетилүүчү кагаз жана картонду алып чыгууга убактылуу тыюу салынды 370 0

Архив

Комментарийлер (3)

dastan_nookat

2017-08-17 11:14:31

Кунуно 2 сериядан кором мен агент щит деген сериалды

Ashka.

2017-08-17 11:17:59

Туура окшойт,менда бир сериал баштап алдым эле уйкуму кечип болсо да,ошону корүп атам. Ичине кирип кеттим))))) Мбтым түгөсө кайра эдиница салышка шашып калдым) Туура,уктайм деп жатам дагы ошону ойлоп уйкум келбейт. Карангыдааа эшиктен кирип келген жерлерин коруп,менда бир туруп эшикти карап коеом ошол каарман мени алдыма кирип келе тургансып.)))))))))))

vangolu

2017-08-17 17:44:56

Ashka.,эдиницаныз жакты

Комментарий калтыруу үчүн өз ысымыңыз менен кириңиз же каттоодон өтүңүз.