"ЭЛДИК КАБАРга" жооп: Аксынын Ак-Жол айыл өкмөтүнүн Кызыл-Бейит айылынын жолунан каттоо адам өмүрүнө кооптуу

Аксынын Ак-Жол айыл өкмөтүнүн Кызыл-Бейит айылынын жолунан каттоо адам өмүрүнө кооптуу. Бул тууралуу бүгүн, 17-августта SUPER.KG порталына Ак-Жол айыл аймагынын башчысы Бердалы Мырзагулов билдирди.

"Кызыл-Бейит айылына барчу жол өтө начар абалда экени туура. Бирок бул жол өлкөбүз Эгемендүүлүк алгандан бери каттам үчүн ачылган эмес. Анткени тоо боорунда жайгашып, таш кулап турат. Жамгыр жаап, сел келген сайын таштарды агызып жолду бузуп кетет. Айылдын эли башка жол менен - Нарын дарыясы аркылуу кайык менен катташат. Эл үчүн мүмкүнчүлүк түзүлүп калсын деп, аталган жолду 2016-жылы 450 миң сом жумшап тазалатканбыз. Бирок аз өтпөй эле шагыл толтуруп салган. Жакында бир адисти ээрчитип бардым. Ал 23 чакырым жолду оңдоо үчүн 1 миллион сом сурады. Бизде андай каражат жок. Өкмөттүн Жалал-Абад облусундагы ыйгарым укуктуу өкүлү да көрүп кетти. Бул жол менен каттоо адам өмүрүнө кооптуу. Өткөн жылы кырсык болуп эки адам каза болгон", - деп билдирди Мырзагулов.

Маалыматка ылайык, Кызыл-Бейит айылында 74 кожолукта 3014 адам жашайт.

Эске салсак, буга чейин окурман "Элдик кабарга" жаз мезгилинде жүргөн селден бузулган жол тазалана элек деп билдирген.

Автор: Акназар Сулайманкулов
Фото: Окурманга таандык

11:56 17-08-2017

Жазылуу

РУБРИКАДАГЫ СОҢКУ КАБАРЛАР

19:55 2025-07-14 | Түркүн дүйнө

Сирияда дин аралык жаңжал тутанып, 30дан ашык адам каза болду 99 0

19:25 2025-07-14 | Түркүн дүйнө

Евробиримдик Арменияга көз карандысыз ММКларды колдоо үчүн 1,5 миллион евро бөлдү 112 0

18:49 2025-07-14 | Спорт

Улуттук курама команданын убактылуу башкы машыктыруучусу дайындалды 345 0

18:42 2025-07-14 | Коом жана турмуш

Кыргызстандык окуучулар Кытайда өткөн олимпиададан байгелүү кайтышты 110 0

18:19 2025-07-14 | Түркүн дүйнө

Орусияда пляжда чагылган тийип, 3 адам каза тапты 542 0

18:01 2025-07-14 | Кылмыштар, кырсыктар

Орусияда спирт ичимдигин ичкен жаран үч досун бычактап салды 669 0

Архив

Комментарийлер (3)

raykray

2017-08-17 13:41:42

ошондо жолу жок журобергиле тынч, таш кулап басканча дептирда((

Nadirov

2017-08-17 22:52:16

Айындын аталышы озу коркунучтууго))айылдын же адамдын аттарын жакшына койуш керек го!!!

kalima88

2017-08-19 11:26:30

Кызыл -Бейиттин жолу качан оңдолуптур өзү? Мен эс тарткандан бери эле ушундай жана кызылбейиттиктер көбүнчө Таш -Көмүр тарабы менен жүрүшөт.

Жогорудагы билдирүү жазган форумчу,айылдын айрым жерлеринде кум аралашкан топурагы кызыл ошондон улам айтылып калса керек.
Бул айылды Ош-Бишкек жолунан өткөн ар бир адам көргөн, бирок маани берип байкаган эмес.Разан-Сайга жетпей бир сай мурун кайрылып кетет.Айыл дарыянын аркы бетинде.

Комментарий калтыруу үчүн өз ысымыңыз менен кириңиз же каттоодон өтүңүз.