Орусия Кыргыз өлкөсүнөн барган 20 тонна каймак майды жана 19 тонна мөмө-жемишти артка кайтарды

14-августта Орусиянын ветеринардык-фитосанитардык көзөмөл кызматы Кыргыз өлкөсүнөн барган 20 тонна каймак майды жана 19 тонна мөмө-жемишти артка кайтарды. Бул туурасында аталган өлкөнүн маалымат каражаттары жарыялады.

"14-августта Оренбург облусунун Ак-Булак районундагы "Сагарчин" көзөмөл өткөрүү бөлүмүнөн Кыргыз өлкөсүнөн барган азык-түлүктөр Орусиянын аймагына киргизилген эмес. Себеби 20 тонна каймак майы, 8,5 тонна жүзүм, 4 тонна шабдаалы, 3,6 тонна кара өрүк жана 3 тонна ширенин ветеринардык-фитосанитардык документтери туура эмес болгондуктан артка кайтарылды", - деп айтылат маалыматта.

Жогорудагы маалымат боюнча Кыргыз өлкөсүнүн айыл чарба, тамак-аш өнөр жайы жана мелиорация министрлигине караштуу өсүмдүктөрдүн карантини департаментинин башчысы Амангелди Исаев: "Бизге азырынча жүктөрү артка кайтарылган ишкерлер расмий түрдө кайрыла элек. Бул кабарды жалпыга маалымдоо каражаттарынан эле угуп жатабыз. Эгерде ишкердин толтурулган документтеринде биз тараптан мүчүлүштүк кетсе, убара тарткан чыгымдары төлөнүп берилет. Дыйкан фермерлерибиз бажы биримдигине кирдик деп эле товарларын мүшөктөп алып жөнөп калбай, биринчи кезекте лабораториядан текшерүүдөн өткөрүп анан жолго чыгышса зыянга учурашпайт болчу", - деди.

Эскерте кетсек, буга чейин Бишкекте өткөн Евразия экономикалык биримдигине мүчө мамлекеттердин өкүлдөрү катышкан жыйында техникалык регламент күчүнө кирсе талапка жооп бербеген товарлар ордунан жок кылынары айтылган болчу. Кыргыз өлкөсүнө карата техникалык регламенттердин эрежелери ушул жылдын 12-августунан баштап күчүнө кирген.

Автор: Илязбек Балташев
Фото: Интернеттен алынган

13:28 17-08-2017

Жазылуу

РУБРИКАДАГЫ СОҢКУ КАБАРЛАР

18:01 2025-07-14 | Кылмыштар, кырсыктар

Орусияда спирт ичимдигин ичкен жаран үч досун бычактап салды 67 0

17:53 2025-07-14 | Түркүн дүйнө

Axios: Путин Трампка алдыдагы эки ай ичинде Украинадагы чабуул күчөтүлөрүн билдирди 178 0

17:41 2025-07-14 | Коом жана турмуш

Мүйүздөн жетелеген күзөтчү... Нарында уй супермаркеттин ичине кирип кеткен (видео) 287 0

17:37 2025-07-14 | Түркүн дүйнө

Өзбекстанда жер титирөө катталды 170 0

17:23 2025-07-14 | Коом жана турмуш

Бишкек шаарынын мэри көчмө жыйын өткөрдү (фото) 127 0

17:20 2025-07-14 | Түркүн дүйнө

Камерундун 92 жаштагы президенти кайрадан президенттикке талапкерлигин коюуну чечти 206 0

Архив

Комментарийлер (13)

TIMON_BERKOWITZ

2017-08-17 13:35:40

А Кыргызстандан чыгарбай туруп ошол документтерди текшерип койсо болбойт беле? Бажычылардын 500сому үчүн ушундай болуп турат. Андан көрө өз мекендештериңер чет өлкөгө кетип атканда мунуң туура эмес, тигиниң туура эмес, Россиядан өтө албайсың, оңдоп ал дечү адам болсо кана! 500сом кармата койсо "хоп болади" дебей..

+33

raykray

2017-08-17 13:39:10

эх дыйканчылык кылса тушумун сата албаса, фермерлерде деле Ошо кыйынчыклык, дагы аракети куч сабырдуу элбиз,чондор иши деле жок 60,100, Минден айлык алып жыргап жатат

+20

shayl2106

2017-08-17 13:41:38

Ээ АША корунгонду камай бербей ушуга окшогон гойгойду чечпейсинби!!!

+25

Kana

2017-08-17 13:44:39

Ушугу окшогон көйгөйлүү маселелерди чечип анан так талашса жарашат эле.Зээнди кейитип билими жогу деле,бандити деле так талашканга умтулат.Мээңерде эч нерсе жок болуп кантип башкарасыңар жөнөкөй маселени чече албагандан кийин же эмне атаңардан калганбы тактар.Бир нерсени кылып коюуп анан төш каккыласаңар боло.

+21

ady-88

2017-08-17 13:45:01

Озубуздун товарыбызды евразестин ичинде сата албасак анда неге бул мучого кирдик

+19

grace

2017-08-17 14:05:03

Фитосанитардык лабораторияларды курулушуна берген акчаны да кулкунуна куюп жиберишкен го. Бажы биримдигине кирсек эле жыргайбыз деген эле. Азап тартып жаткан эле эл.

+15

Valley.of.the.Wolves

2017-08-17 14:20:01

Озбекстан "ЕАС"га кирбей эле канчалаган товарларын тонналап РФга сатып жатат...

+18

AKTILEK89

2017-08-17 14:30:05

Карыздан кыскартып кой дебейсинби АША Путинге

admin_superstan

2017-08-17 14:38:36

AKTILEK89, жалаң баш тамга менен жазууга тыюу салынат.

kokboru

2017-08-17 14:36:26

Документти туура эмес деген туура эле.Себеби биздин чоңдор билбейт кандвй документтерли туурулаш керек экенин.Ак үйдө жалаң эле кан соргучтар иштейт.Сабатсыздар силерди Кудайым өзү жазаасын берсин

+14

jaka92

2017-08-17 15:14:38

Ошондой маселелерди озунор карап чечпейсинерби. Элден угуп жатабыз дебей.

kalpak.kg92

2017-08-17 17:53:18

Ээээ АшАнын иши азыр каша Текени ойлоп

aykyz

2017-08-18 13:46:38

Ширеби же нектаринби?

Комментарий калтыруу үчүн өз ысымыңыз менен кириңиз же каттоодон өтүңүз.