Премьер-министр Сооронбай Жээнбеков отставкага кетти

Премьер-министр Сооронбай Жээнбеков отставкага кетти. Бул тууралуу ал бүгүн, 21-августта өкмөттүн жыйынында билдирди.

"Бүгүн мен кызматтан кетүүнү чечтим. Түштөн кийин президентке отставкага кетүү тууралуу арызымды тапшырам", - деди Жээнбеков.

Айта кетсек, бүгүн Борбордук шайлоо комиссиясы С.Жээнбековду президенттикке талапкер кылып каттаган. Премьер-министрдин милдеттерин аткаруу биринчи вице-премьер-министр Мухаммедкалый Абылгазиевге жүктөлдү. Жаңы премьер-министрди жана өкмөттүн курамын Жогорку Кеңеш шайлайт.

Автор: Жылдыз Джускембаева
Фото: Жылдыз Джускембаева