НАСА: Байкоо жүргүзүү тарыхында кездешкен эӊ чоӊ астероид Жерге жакындоодо

Асмандагы жылдыздарга байкоо салышкан НАСАнын (Космос мейкиндигин изилдөөчү жана абада учуу улуттук башкармалыгы) кызматкерлери Жерге астероиддин жакындап келе жатканын байкашты. Аны байкоо жүргүзүү тарыхындагы эӊ чоӊ астероид деп аташканы уюмдун расмий сайтында маалымдалат.

"Флоренс деп аталган астероиддин өлчөмү 4 чакырымдан чоӊураак. Ири асман телосу мындай көлөмдөгү башка астероиддерге караганда биздин планетага жакын өтөт. Буга чейин ага жакын өткөн белгилүү астероиддер Флоренске караганда кичирээк болчу", - деп билдирген изилдөө борборунун адиси Пол Чодас.

Флоренс Жер менен 1-сентябрда жакындашат. Ошондой эле аны кичинекей телескоп аркылуу августтун аягынан сентябрь айынын башында көрүүгө болору, астероиддин Жерге жакын өтүшү кооптуу эмес экени айтылат.

Ал эми башка окумуштуулардын пикиринде, бул кезектеги кабар - элди жөн эле дүрбөлөӊгө салуу. Ал эми чынында Флоренс 7 миллион чакырымда учуп өтөт. Мындай жакындык илимде кызыгуу жаратат, бирок эч кандай коркунучту туудурбайт.

Автор: Турсунай Алымкулова
Фото: Интернеттен алынган