Өзбекстандын премьер-министри Сапар Исаковду өкмөт башчы болушу менен куттуктады

Өзбекстандын премьер-министри Абдулла Арипов Сапар Исаковду өкмөт башчы болушу менен куттуктады. Бул тууралуу кечээ, 28-августта Кыргыз өкмөтүнүн басма сөз кызматы билдирди.

“Өзбекстанда сизди боордош эки өлкөнүн ортосундагы достук жана жакшы кошуналык мамилелерди бекемдөө жана ар тараптуу өнүктүрүүнүн активдүү колдоочусу катары жакшы билишет. Мен сиздин ишмердүүлүгүңүз мындан ары жогорку мамлекеттик кызматтарда биздин элдердин жыргалчылыгы үчүн кыргыз-өзбек мамилелерин өнүктүрүүгө жардам берет деп ишенем”, - деп жазылат куттуктоо телеграммасында.

Эскерте кетсек, буга чейин Исаковду өкмөт башчы болушу менен Орусиянын премьер-министри Дмитрий Медведев куттуктаган. Исаков жетектеген өкмөттү Жогорку Кеңештин депутаттары 25-августта 97 добуш менен шайлашкан. Жаңы өкмөттүн жетекчисин жана мүчөлөрүн кызматка дайындоо боюнча президент 26-августта буйруктарды чыгарган. Исаков буга чейин президенттик аппаратты жетектеп келген.

Автор: Жылдыз Джускембаева
Фото: Интернеттен алынган