Курамы курут, сары майдан турган кыргыз жупка-куксиси. Бишкекте өтүп жаткан “Халал” жарманкесинен фоторепортаж

Бишкекте “Халал” индустриясынын 7-жарманкеси өтүүдө. Анда Кыргыз жеринде өндүрүлгөн адал азыктар коюлган. Жарманкеде кадимки "кукси" тамагы сыяктуу кыска убакытта даярдала турган курамында курут, сары май, жупка кошулган кыргыз даамы көптүн көңүлүн бурууда.

“Бул “жупка” деп аталат. Эгер курамында сүзмө кошулганы болсо анда аны сактоо бир айга чейин эле мүмкүн болот. Ал эми кургатылган курут менен жасалган түрү бар. Аны 3 айга чейин сактоого болот. Бул экологиялык жактан таза, пайдалуу, тез даяр болуучу тамак”, - деди жарманкенин катышуучуларынын бири Азамат Айдаркулов.

Эт, бал, сүт азыктарынан кызыктуу фигуралар жасалып коюлган жарманке 1-2-3-сентябрь күндөрү Бишкекте өтөт. Бул демилгечилер тарабынан Курман айт майрамына карата уюштурулган.

“Биз быйыл адал жарманкесин 7-жолу уюштуруп жатабыз. Бул, албетте, өндүрүшчүлөр менен керектөөчүлөрдүн ортосундагы мамиленин түзүлүшүнө жол ачат. Мурда адал, арам дегенде этти гана түшүнчү элек. Эми керектөөдөгү башка азык-түлүктөрдү да, адал же адал эмес деп айырмалай баштадык. Бул адамдардын адал азыктарга болгон сабаттуулугун арттырат деп ойлойм. Биздин максат жергиликтүү таза азыктарды эл аралык деңгээлге алып чыгып, экспортко чыгаруу. Биздеги азыктар экологиялык жактан таза, сапаттуу болгону менен аны кайра иштетүү жагы жакшы эмес. Ошондуктан биздин азык-түлүктөр эл аралык рынокто ордун таба элек. Бул жарманкенин 7 жылдан бери салттуу уюштурулуп келе жатышы, биздин өлкөнүн рыногунда адал азыктардын туруктуу орду бар экенин көрсөтөт”, - деди “Халал” индустриясынын башкы директору Мыктыбек Арстанбек.

Автор: Мунарбек Жоргомов
Фото: Мунарбек Жоргомов

16:06 02-09-2017

Жазылуу

РУБРИКАДАГЫ СОҢКУ КАБАРЛАР

23:44 2025-06-27 | Коом жана турмуш

28-июнга карата аба ырайы 449 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 1989 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1380 0

21:53 2025-06-27 | Саясат

ЕАЭБ жыйынында бир нече документтерге кол коюлуп, кабыл алынды 539 0

21:38 2025-06-27 | Коом жана турмуш

Такыр-Төр көлү жарылганына байланыштуу 950 адам эвакуацияланды 1556 0

21:17 2025-06-27 | Саясат

ЕАЭБ аймагынан кайра иштетилүүчү кагаз жана картонду алып чыгууга убактылуу тыюу салынды 405 0

Архив

Комментарийлер (7)

Azatbek83

2017-09-02 16:22:20

Азаматсынар Ишинерге Ийгилик

aerforce

2017-09-02 16:29:38

ушул куксини чыгарганга мурунтан ойлонуп журчумун мен чыгаралбасамда башкасы чыгарды колдойм бул баардык жагынан таза пайдалуу тамак азаматсынар оркундой бергиле куксиге караганда 1000 эсе пайдалууда эми бир кул азыкты чыгарсак мыкты болмок жакшы билген бироо болсо

Ulan2601

2017-09-02 16:33:30

Бирок даамы жакпады жупканын! лучше корейский рамен жакшы!

-6

Marlen.

2017-09-02 18:08:37

Жупка тамагы канча турат экен? Билгендер болсо жазып койгулачы баасын?

Ananasky

2017-09-02 20:36:57

Жупка сатыка чыгыптырбы, башка региондордо да? Кызык болуп жатат жеп коруш керек экен.

Aidani

2017-09-03 20:09:43

Жупка сонун да, чон апам раматылык жасап берчу, чабаты деп казанга бышырып алып камырды, кайнак сууга курутту эзип чабатыны туурап сары майдан салып, шорпо сыяктуу жасап берчу, эртеден кечке ток кармайт, журо берчубуз курсак ачпай, жупка сатыкка чыкса сонун болмок.

Kroxa

2017-09-05 01:18:03

Уйдон жасаган жупкага жетпесе керек..

Комментарий калтыруу үчүн өз ысымыңыз менен кириңиз же каттоодон өтүңүз.