Малайзиянын экс-премьер-министринин карапайым элдин арасында коомдук транспорттун кызматынан пайдаланып жүргөнү кызуу талкуу жаратты

Малайзиянын экс-премьер-министри, учурдагы оппозициялык блоктун өкүлү Махатхир Мохамад социалдык тармактардагы баракчаларынын бирине метро кызматынан пайдаланып жүргөн сүрөттөрүн жүктөдү. Бул тууралуу Малайзиянын The Star басылмасы бүгүн, 4-сентябрда жазып чыкты.

Анын Фейсбук баракчасындагы сүрөттөрүнөн аялы Сити Хасма Мохамед Али менен бирге метрого өтүүчү жер алдындагы өтмөктө транспорт күтүп жана метронун ичин сүрөткө тартып жатканын көрүүгө болот. "Аялым экөөбүз метро аркылуу жол тарттык" деп жазган ал жүктөгөн сүрөттөрүнө.

Махатхир Мохамаддын жана аялынын эркин, жөнөкөй адамдар катары коомдук транспорттун кызматынан пайдаланышканын интернет колдонуучулар жылуу кабыл алышып, "экөө жолугушууга чыккан сүйүшкөн жаштардай көрүнүшөт", "аялы экөө дайым саламатта болушсун" деген сыяктуу билдирүүлөрдү жазышып, экс-премьер-министрге өлкөнү жана транспортту өнүктүрүүдөгү идеялары, эмгеги үчүн ыраазычылык билдиришкен. Ошондой эле бийлик башында болбосо дагы өлкөнүн өнүгүшүнө өз жолу менен салымын кошуп келе жатканын белгилешкен. Ал эми Махатхир Мохамад оппозициялык блоктун өкүлү болгондуктан, айрымдары ал үчүн тынчсызданып жаткандыгын да жашырышкан эмес. Сүрөттөргө басылган "жактынын" саны 9 сааттын ичинде 70 миңден ашып, 3 миңге жакын адам бөлүшкөн.

92 жаштагы Малайзия мамлекеттик жана саясий ишмер Махатхир Мохамадды эң көп жыл бийлик башында турган саясатчы катары билишет. Ал 1981-жылдан 2003-жылга чейин 22 жыл премьер-министрлик кызматта турса, жалпы 40 жылдай саясатчы катары ишмердүүлүк кылып келген. Министрликтен кеткенден тартып оппозициялык блок түзүп, бирок ишинин ийгилиги арткан эмес. 2015-жылдан тарта Малайзиядагы оппозициялык экинчи чоң партиянын мүчөлүгүндө бийликтин иш-аракеттерин сындап келет.

Ал эми аялы Сити Хасма Мохамед Али 91 жашта. Өлкөнүн медицина жаатына өз салымын кошуп келген ишмер катары таанымал.

Автор: Гүлжан Асанкожоева
Фото: Интернеттен алынды

22:11 04-09-2017

Жазылуу

РУБРИКАДАГЫ СОҢКУ КАБАРЛАР

22:04 2025-07-14 | Саясат

Жапаров мамлекеттик башкаруу академиясынын модернизациялоо пландары менен таанышты 5 0

21:37 2025-07-14 | Саясат

Жогорку Кеңешинин мурдагы депутаты Өмүрбек Абдрахманов дүйнөдөн кайтты 483 0

21:22 2025-07-14 | Түркүн дүйнө

Испанияда баасы бир бөлмөлүү батирге тете сыр сатылды 306 0

21:04 2025-07-14 | Спорт

Улуттук кураманын чабуулчусу Жоэл Кожо өзбекстандык клубга өтөт 285 0

20:35 2025-07-14 | Түркүн дүйнө

АКШ Украинага JASSM канаттуу ракеталарын берүү маселесин карап жатат 442 0

20:13 2025-07-14 | Саясат

Садыр Жапаров "Ала-Тоо Резорт" тоо-лыжа кластерин куруу боюнча жумушчу кеңешме өткөрдү 218 0

Архив

Комментарийлер (14)

sladkaja_konfetka

2017-09-04 22:46:19

Жакшы экен

Azatbek83

2017-09-04 23:17:50

Азаматтар биздикилер коомдук транспортто журушсо шыйрактары сынып калат.Биздин чондор эптеп элдин башын айланткан оз курсагын ойлогон ХХХХ элди алдаган ХХХХ бироону жамандаганды кана билишет!

+19

Maika

2017-09-05 10:05:56

Azatbek83, ушул сөздөр менен алардан айырмаңар жок болуп калганын сезип жатасыңарбы?

admin_superstan

2017-09-05 12:13:13

Azatbek83, этика нормаларын сактаңыз. Эскертүү!

-1

omur81

2017-09-04 23:29:50

Биздин чоңдор ушинтип жүрүшкөндө, КР качаан эле өнүгүп кетмек

+17

Momyn12

2017-09-05 01:39:42

omur81, антип кандай мамлекет онугуп кетет

-3

AKTILEK89

2017-09-04 23:42:06

биздикилер даже зонтигин котортуп алышат кызматкерлерине

+25

arzygulR

2017-09-05 00:08:37

Ээ биздикелер озу отурган машинасынын эшигинда ачышпайт андыктан маршруткада же башка транспортто жургонун элестетпей эле коелу

Melis2014

2017-09-05 00:42:17

зонтигин которо албаган чиновник елдин жугун которуп кыйратпайт анан да кыйраткансып ХХХХ какайышат

+11

Hadyja

2017-09-05 01:15:18

Коп адам,озунун орду,байлык,бийлиги мн эмес,озунун жонокойлугу,чынчылдыгы мн бактылуу адам болушат,адам бойдон калышат.Булар кыраакы адамдар.
Биздин жетекчилердин,журогу слабый:бийлик,акча келгенде,адамдык сапаатты унутат.Кобу олгондо гана билишет адам экенин,ага чейин курсагы тоюп,козу кубаныш учун бут элди кыйнайт.Бироосу зонтик котортот,экинчиси наам алат,учунчусу жолун тороп койсон бутундой уй-булоонон оч алам дейт.Текебер,мактанчаак болуп кеткендери эле жаман.

cfif03748

2017-09-05 05:38:13

Бизде метро болгондо.биздикилер деле тушмок.ал жокда.(Эми айттымда)

-4

cfif03748

2017-09-05 05:41:59

Биздикилер уялчаак болушат.уялышат

KyrgyzKagan

2017-09-05 09:27:00

Биздикилер жапайы, Элди кул сыяктуу коруп, оздорун фараон сезишет.

Maika

2017-10-26 10:29:19

Окмоттогулор эмес, менин биздин коомдук транспортто жургум келбейт.

Комментарий калтыруу үчүн өз ысымыңыз менен кириңиз же каттоодон өтүңүз.