СУПЕРСТАН: "Биринчи классымда атамдын чөнтөгүнөн 9 рубль уурдап, катуу таяк жегем"

SUPER.KG порталынын "Суперстан" бөлүмүндө "Ким, эмне уурдап көргөн?" деген тема талкууга алынган.

Темадагы билдирүүлөрдөн:

"Бул жорук уурулукка жатабы же жатпайбы билбейм, эмнеси болсо да айта кетейин. Кичинекей кезимде атамдын инисинин үйүнө барып калдык. Инисинин мен курактуу балдары бар, алардын оюнчук дүрбүсү бар болчу. Дүрбүсү ушунчалык мага жагып калганбы, айтор үйгө кетерде футболкамдын ичине катып алып "алып кетем" деп чыр салганым эсимде. Атамдын инисинин балдары менин ыйлап жатканымды көрүп боору оорудубу, такыр эле талашпай макул болуп калышкан эле. Ошентип оригиналдуу дүрбүлүү болуп калгам".

"Биринчи классымда атамдын чөнтөгүнөн 9 рубль уурдап кеткем. Мектептин жанында дүкөн бар эле. Балдар менен барып түрдүү нерселерди алып чардаганбыз. Анан бир рубль артып калып чөптүн арасына ыргытып жибергем, үйгө кайра алып келгенден корктум да. Эртеси билинип калып жакшы эле таяк жегем. Чырпык менен денеме "жей" берип билектерим көгөрүп кеткен. Колуңду кесебиз дешсе ишенип, бакырып ыйлаганымчы, хе-хе. Көрсө, дүкөнчү аяш атам экен да..."

"Кичинекей кезимде соода кылчумун. Анан ушунчалык таттууну жакшы көргөндүктөн сагыз, шоколаддарды жей берчүмүн. Аным бат эле билинип калчу, анткени менин таттуудан аллергиям бар болчу. Эртеси күнү эле дароо бетим кызарып калчу".

"Кичинекей кезимде апам бирөөнүн кудасына деп бир коробка печенье алып келип катып коёт. Аны байкеме айтам, бул жакка катып койду деп. Анан экөөбүз астынан ачып, ошол жактан алып жеп, толтура кылып мектепке салып барып жечүбүз. Апам ал коробканын үстүн карап коюп эле жыргап жүрө берчү экен. Бир күнү ал кудага бара жатканда печеньени берейин деп өзүнүн "оозу ачылып" калган, көтөрө коёюн десе, алдынан шыгырап бир аз эле печенье түшүп калган. Бирок урушкан эмес, балабыз да".

Талкууга кошулгуңуз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

17:25 05-09-2017

Жазылуу

РУБРИКАДАГЫ СОҢКУ КАБАРЛАР

23:44 2025-06-27 | Коом жана турмуш

28-июнга карата аба ырайы 449 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 1989 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1380 0

21:53 2025-06-27 | Саясат

ЕАЭБ жыйынында бир нече документтерге кол коюлуп, кабыл алынды 539 0

21:38 2025-06-27 | Коом жана турмуш

Такыр-Төр көлү жарылганына байланыштуу 950 адам эвакуацияланды 1556 0

21:17 2025-06-27 | Саясат

ЕАЭБ аймагынан кайра иштетилүүчү кагаз жана картонду алып чыгууга убактылуу тыюу салынды 405 0

Архив

Комментарийлер (3)

aerforce

2017-09-05 21:25:57

Ээ туугандар улуу создо уят жок дейт мен башымдан отконду айтып берейин башкларга сабак болсун 1992 жылы болчу анда рубль сомго откон кез болчу 3 класс элем дос балам уйунон акча уурдап чыгып бизге ар нерсе алып берди анан эртеси бир классташым алып чыкты ошентип мен уйдон 100сом уурдап алыпмын корсо аябай чон акча экен ошондо анан тугото албай уч кун тойлодук анан атам билип калат ана концерт ошондо башталдыго уруп сабап мент достору бар экен коркутуп койолу деп обезянкага алып кирген

aerforce

2017-09-05 21:26:35

коркконумдан ХХХХ койо жаздагам ошондон бери эч нерсе уурдап корбодум эстесем журогум тушот

Nevestkaa

2017-09-06 14:40:00

Кичинемде конфетке өч элем.Апам бекиткен конфетти алайын десем жанындагы идиштер бири бирине тийип көчүп түштү шаррррак этип артыман киришип уурулук иштин үстүнөн чыгышкан.

Комментарий калтыруу үчүн өз ысымыңыз менен кириңиз же каттоодон өтүңүз.