Эмил Эсеналиев: "Кайнатам олуттуу ролдорго өтүшүм керектигин айткан"

Саналуу мүнөттөрдөн кийин "тамашоучу", актёр жана соңку кездерде вайнер катары өзүн сынап жүргөн Эмил Эсеналиевдин SUPER.KG порталынын түз эфириндеги маеги башталат.

Анын чыгармачылыгы, жеке жашоосу же социалдык тармактагы видеолору тууралуу кызыккан суроолоруңуз болсо узатсаңыз, түз эфирден актёрдун өзүнөн жооп алуу мүмкүнчүлүгүнө ээ болосуз. Жөнөтүлгөн суроолордун арасынан оригиналдуу, кызыктуу делген собол ээсине белек ыйгарылат.

Эскерте кетсек, жиберилген суроолор редакция тарабынан иргелет. Мааниси окшош, кайталанма суроолор эфирге чыгарылбайт.

Суроолоруңузду +996 557 75 63 63 WhatsApp номери аркылуу берип же түз эфир жүрүп жаткан учурда "Соңку кабар" аркылуу комментарий жазып, жооп алсаңыздар болот.

15:00. Эмил Эсеналиевдин SUPER.KG порталынын түз эфириндеги маеги башталды. Ал алпаруучулардын билимди текшерген суроолоруна жооп берүүдө.

15:06. Юморчу видеолорунда көп колдонулган "дэң-дэң-дэң" сөзү тууралуу: ""Чала спортиктин" образын жаратып жатып мен коомдо болуп жаткан нерсени юмор кылып көрсөтүп жатам. Элдер мени "жаштарга туура эмес кылыктарды үйрөтүп жатасың" деп сынап жатышат. Акылы бар киши мен видеолорумда кылган нерселерди кайталабайт", - деди.

15:11. "Дэң-дэң-дэң" деген сөз популярдуу болот деп ойлогон эмесмин. Бирок элдин баары ошол сөздү жаттап алышты. Анын мааниси "зыңк" деген сөздүкүнө окшош", - дейт ал.

15:15. Эмил Эсеналиев колдонуучунун "Өзүңүздү кайсы жаныбарга окшоштурасыз?" деген суроосуна питбуль породасындагы итке окшош экенин айтып, аны туурап берди.

15:18. "Жол эрежесин бузбашыбыз керек. Бирок кээде шашып баратып МАИчилерге кармалып калганда алар "дэң-дэң" деп койчу деп тамашалап калышат", - дейт күлкү жаратуучу. Ал куудулдук өнөр атасынан өткөнүн айтты.

15:25. Эмил Эсеналиев кичинекей кезинде ырчы болуу жөнүндө кыялданганын айтып, "Голливудда бир киного тартылгандан көрө кыргыз радиосунда ырым жаңырса, бактылуу болмокмун", - деди. Ошондой эле ар бир актёр ырдай билиши керектигин, жакында тамашалуу ыр жаздыруу тууралуу ойлонуп жүргөнүн билдирди.

15:30. Юморчу жумуш учурунда башынан өткөргөн күлкүлүү окуяларын айтып берип жатат.

15:40. "Өзүмдүн апам 9-классымда дүйнөдөн өтүп кеткен. Эгерде кайра балалык доорума баруу мүмкүнчүлүгү болсо, апамды колумдан келишинче сыйлап, барктамакмын", - дейт ал.

15:48. "Кайнатам кесиптешим Саматтын жеке концертинде "олуттуу ролдорго өтүшүң керек" деп айткан", - дейт күлкү жаратуучу.

16:01. "Жогорку окуу жайды бүтүргөн эмесмин. "Тамашоуну" бүткөм деп айтсам болот. Буюрса, келечекте актёрлук кесипти окуп алсам дейм", - дейт ал.

16:08. Эмил Эсеналиевдин түз эфирдеги маеги жыйынтыкталды.

"Кайнатам (ред. М.Козукеев) олуттуу ролдорго өтүшүм керектигин айтты" дейт Эмил Эсеналиев

Автор: Саадат Токтоболот кызы
Фото: Үмүт Абдраимова

16:09 13-09-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (12)

Erke94

2017-09-13 15:39:16

Кой айланайын ырдабаган озу сен эле калдын эле.

kutman-kg94

2017-09-13 15:44:01

Салам алейкум дан дан сизге суроом эчкинин меерегенин же болбосо эчкинин мерегенин турап беринчи алдын ала рахмат

-3

Lekarstvosvoegomuja

2017-09-13 15:49:45

Салам Эмил, аялын жонундо айтып берчи кантеп тааныштын эле? Кайын журтта кандай куйоо баласын?

Jibek94

2017-09-13 15:52:36

Мага дан-дан дегениниз жакпайт, акыркы убакытта тамашаларыныз ото эле зеригичтуу болуп калды мурдагы образдарынызда соз жок сонун болчу мисалы "Пентхаус"

admin_superstan

2017-09-13 15:56:54

bahbrat, кимдир бирөөнүн кадыр-баркына шек келтирүүгө тыюу салынган. Эскертүү!

beklan.kz12

2017-09-13 16:00:06

анекдот айтып бечи

Hadyja

2017-09-13 16:03:35

Актерлук чеберчилигиниз эн жакшы.Кыргыз эли сыймыктанган,улгулуу инсандардан болунуз

Jazdyn_tany

2017-09-13 16:09:29

Апей бүттүбү?

Muziguli150720

2017-09-13 20:59:18

Данияр эрматовду чакырыныздарчы сураныч?

admin_superstan

2017-09-14 11:44:14

Muziguli150720, саламатсызбы! Сунушуңузга рахмат, эске алабыз.

Nanei

2017-09-14 11:42:47

Мышык майга жетпей сасык дептир дегендей эле болуптур Голливуд жонундо айтканы. Эми ал Жака Ким тартмак эле мындай обу жокторду

Nibiru.

2017-09-14 12:41:11

Молодец Эмил. Бул жердеги обу жок комментерге конул бурба. Сен жашоодогу обу жок балдардын образын толугу менен ачып бергенсин. Мен андай "чала спортик" мактанчаактарды омурумдо коп эле коргом. Жада калса мен кырдуу бир бала бар болчу, сен аткарган, ачып берген образдын так озу. Иштерине ийгилик!!!

Комментарий калтыруу үчүн өз ысымыңыз менен кириңиз же каттоодон өтүңүз.