Маданият, маалымат жана туризм министрлиги: "Талкууга алынып жаткан ырчыларды сыйлыкка министрлик көрсөткөн эмес"

Акыркы учурда коомчулукта катуу талкууга алынган төрт ырчы сыйлыкка Маданият, маалымат жана туризм министрлиги тарабынан көрсөтүлгөн эмес. Мындай маалыматты бүгүн, 14-сентябрда Кыргыз Республикасынын Маданият, маалымат жана туризм министрлигинин сыйлыктар бөлүмүнүн башчысы Муктасар Озубеков маалымат жыйынында билдирди.

Озубеков коомчулукта кайчы пикирди жараткан жаш ырчылардын Эмгек сиңирген артисти наамын алышына министрликтин алдындагы сыйлыктар боюнча коллегиянын да эч кандай тиешеси жок экенин айтты.

Коллегия карап жана бекиткен тизмеде талкуу болуп жаткан ырчылардын аты-жөнү болбогондугун коллегиянын мүчөсү, Кыргыз улуттук филармониясынын директору Кыргызбай Осмонов да тастыктады.

Озубековдун айтымында, сыйлыктар туурасында жаңы мыйзамга ылайык, азыркы тапта бардык мамлекеттик структуралар талапкерлерди наамга өз алдынча көргөзө алышат. Бирок ошол талапкерлерди Маданият министрлигинин алдындагы сыйлыктар боюнча коллегиясы карап, атайын документке коллегиянын кароосунан өттү деген кол коюлушу керек.

"Бул катталган факты жалгыз эмес, мурун да мындай көрүнүштөр болуп келген. Бирок президенттик аппараттын алдындагы мамлекеттик сыйлыктар комиссиясы коллегиянын кароосунан өтпөгөн талапкерлердин тизмесин кайра бизге жөнөтчү. Бул жолкусунда андай болгон эмес. Ырчылар сыйлыкка ким тарабынан көрсөтүлгөнү жөнүндө маалыматыбыз жок. Сыйлык кимге берилет, кимге берилбейт жогору жактагы комиссия чечет. Биздин милдет татыктуу талапкерлерди көрсөтүү", - деп билдирди Маданият министрлигинин сыйлыктар боюнча бөлүм башчысы.

Мындан сырткары атайын тийиштүү жерлерге бул факт тууралуу кат менен кайрыла тургандыктарын кошумчалады.

Кыргыз Республикасынын Эл артисти, коллегия мүчөсү Анарбек Ибраевдин айтымында, мамлекеттик сыйлыктардын айланасында дайыма талкуулар, талаш-тартыштар болуп келген. "Эгерде коомчулук сыйлык алып жаткан адамды талкуулап жатса, демек, бир нерсе бар, сыйлык берген адамдардан мурда, ошол сыйлык алып жаткан адам өзү ошого татыктуубу, ошону ойлонуш керек. Наам, сыйлыктар татыктууларга өз убагында берилиши керек", - деди Ибраев.

Эскерте кетсек, Кыргыз Республикасынын Эгемендүүлүгүнүн 26 жылдыгына карата өлкөнүн социалдык-экономикалык, руханий жана интеллектуалдык жактан өнүгүшүнө салым кошкондор сыйланган. Тийиштүү жарлыкка президент Алмазбек Атамбаев 30-августта кол койгон.

Жарлыкка ылайык, эстрада ырчылары Самара Каримова, Гүлжигит Сатыбеков, Нурайым Азыкбаевага, Улуттук филармониянын алдындагы "Эл шайырлары" фольклордук тобунун ырчысы Анапия Райымбековага Кыргыз Республикасынын Эмгек сиңирген артисти наамы ыйгарылган.

Автор: Айзада Тураркулова
Фото: Айзада Тураркулова

14:20 14-09-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (42)

Aidan88

2017-09-14 17:22:02

Anarbek agai aityp otkondoi syilyk alyp atkanda je dokumenntin otkozup atkanda oilonso bolmok tatyktuumunbu dep , kyskasy soz jok ,

Istina1000

2017-09-14 17:41:28

Менин озумдун жеке тушунугумдо, татыктуу ырчыны жогору жактагы комиссия (алар ошо комиссия болуп турганы учун айлык алып жан багып жатышкандыр) эмгеги синип калды деп, документтеринди даярда деп алакандай кагаз жонотушсо кк. Ырчы ошондо гана документтерин чогултса кк. Бул жерде оздору документ чогултуп тапшырып коюп бир жыл мурун, анан жен ичинде суйлошуулорду жургузушуп, сыйлык кандай жол мн келип калганы айдан ачык эле корунуп турат. Чыныгы татыктуу адамга эл мынчалык сын такпайт.....

Istina1000

2017-09-14 17:45:17

Бул саптан мен бир гана Анапия эжекени татыктуу алды деп ойлойм. А калганы, чындыгында, ыр деп эле ырдап жургондор го. А Самара, дагы кеминде он жыл эмгектениш кк болчу. Азыкбаеваны биринчи жолу угуп жатышым. Сыйлыгынар кут болсун канткен чакта да.

aadanova14

2017-09-14 18:26:59

Гулжигит татыктуу а Самарага соз жок сатып алган.

Nazaroff1974

2017-09-14 18:29:58

Жийдеш,Атай,Кайрат,Тумар бийчилер тобу,Руслан Акун,Алмазбек Раимкулов ж.б.канчалаган Кыргызды таанытышкан инсандарга бир жакшыраак мактоо баракчасын ыраа корушпойт го кункарамалар.Эми биз билбейбиз деп жандарын жеп жатышат тообо,тообо.Анда эмне Самаш,Тико,чоорчунун кызы вообще незаконный алышкан болуп калабы?Каша болуп кетти го быягы.Тойпуруштар наамдарды кайтарышаттыр эми айла жок ачкенедей жабышышпай.Андан коро Самаш срочный дагы 3 перзент туугун,баатыр энени аласын.Мына ошол наам точно жараша

Nazaroff1974

2017-09-14 18:58:48

Жогоруда аты аталгандар мыкты дебейм,коммерческий проекттер,эмгек синиришке жетишишкен эмес.Мага деле эч кимисинин онорлору жакпайт.А бирок тиги эмнеси сингендерге караганда чет жакка чыгышып аз да болсо Кыргыз деген улутту,олкону таанытышпадыбы туурабы?Жок дегенде маладессин деген мактоо баракча берип коюшса болмок.Колунда токочу бар бала суйгунчуктуу кылышып,жен ичинен бутурушуп,эми бири-бирин чукуша башташты жеп ичерлер.Аябай уят болушпаса эле чукушуп жатып.

kenjebek_a

2017-09-14 18:32:08

Анда ким куноолуу.Бизде бир келин иштейт мамжумушта Самарадан уну укмуш.Маданият министрлиги корсотпосо биз коргозолу наам бергиле.Же бир областын Маданият уйунун директоруна 2аял кылып анан Казаков деген агайга туз алып барайлыбы.Эми олбодубу силер корсотпосонор жок дегенде аягына чейин бир карап койот да.Бир жагы тушунуш керек, жакында шайлоо Туголбай агайга да кыйын давления деген бар.

Ma9

2017-09-14 18:44:32

Эми актанып бирине бири туртуп кунолоп атабы Самарадан Нурайымдан алып салгыла сыйлыкты ырлары деле жлк

Nazaroff1974

2017-09-14 18:45:23

А Анапия эже татыктуу алды.А чоорчунун кызы Нурайым Азыкбаеваны адашып жазып коюшкан окшойт,себеби ал вообще моралдык турдо,закондуу турдо бул наамды алганга акысы жок,мумкун эмес.Ал кечээ эле шоу чойрого кошулуп,анда-санда эле кыягын кынгыратып жургон кыз да.Кыз дебедимби кокуй...Эгер чындап беришсе,анда наам бергендер да тугонуп буткондор экен.Эй ушуларга бир Озбекстандагыдай тескоо же текшеруу,цензура деген жокпу.Де ал жакта жалан эле ........отурушабы ыя.Жазбайын дейсин,жанын кашаят кысталак

Nevestkaa

2017-09-14 19:54:51

Самара мн Нурайымдын эмгеги кантип сиңди экен .Гүлжигитке деле маданияттын мыкты кызматкерин берип турушса болмок.Самара алты күн концерт койсоң чөнтөгүң үчүн койгонсун ,түшкөн акчаны мамлекетке берсең да ошентип догурунсаң жарашат эле.Ашар концерт коюп өзүңү эмгек сиңирген көрсөтпө.20жыл сахнада жүргөн Кайып кызы наам албай өтүп кетти сага наамга балээ барбы?Мен билгенден Абдылда Иманкуловто наам жок ал атаң мн тең болсо кк.Нурайым кыягы үчүн эле наам алып калдыбы ошондон.Кыззззыыыыык акча акча

stimyl.kg

2017-09-14 19:59:38

Самара Каримова бул кочо ырчысы,тойлорго акча учун чыгып аркимдин даяр ырларын ырдап жургон озун ырчымын деп элестетип кыялданган адам. Эл айтса демек эл калп айтпайт эл нааразы болсо чыйылдаган унун бир тыйын. Озуг ошол денгеелге татыктуумунбу деп ойлонмок эгер акылдуу адам болсо. Наамды кайра артка кайтарып алса дурус болмок. Уят эле.

Fidel

2017-09-14 20:37:07

Самара бироосуно Оштогу саунасынан ооз тийгизип койсо керек!

Azatbek83

2017-09-14 21:25:44

Сатыбеков Гулжигит ырларын озу жазат.Каримова Самара анын бирда жазган ыры жок болсо керек.Каримова Самара бул алган сыйлыгына татыксыз уят эле.

gulzat91

2017-09-14 22:47:21

эшекке норка тумак кийгизип койсон деле баары бир эшек

azamat1978

2017-09-15 07:13:01

Ушунча элди нараазы кылып алган сыйлыгынарга уят эле элди кантип карап аралып журосунор

Kroxa

2017-09-15 20:27:36

Акчан болсо танкасын деген ошол..Абдылда Иманкуловдун айтканы бар наам учун 2 мин доллар сурашты менде андай акча болгон кундо да сатып албайт элем,Эл берсин наамды деген созу туура..Самарага сатып берди да саунанын акчасын кайда чачат куйоосу анан?? Уят Эле бул жагы..

Комментарий калтыруу үчүн өз ысымыңыз менен кириңиз же каттоодон өтүңүз.