Орусиялык рэпер Тиматинин сүйлөшкөн кызы үлпөт көйнөгүн тандоодо

Тимати жана Алёна Шишкова кызы менен

Тимати жана Анастасия Решетова

Анастасиянын интернетке жарыялаган үлпөт көйнөгү

Белгилүү орусиялык рэпер Тиматинин сүйлөшкөн кызы, 21 жаштагы модель Анастасия Решетова үлпөт көйнөгүн кийип түшкөн сүрөттөрүн интернеттеги баракчасына жарыялаган.

Анастасия эки башка үлпөт көйнөгүн кийип, өзүнүн баракчасына катталган колдонуучуларына "кайсынысы мыкты?" деген суроо салган.

Колдонуучулардын көбү модель жакында турмушка чыга тургандыгын белгилешсе, айрымдары бул жөн гана фотосессия экенин айтышкан.

Маалым болгондой, Анастасия 3 жылдан бери рэп аткаруучу Тимати менен кыз-жигит мамилесинде. Түгөйлөр көп убакыт өзүнүн мамилелерин жарыялашкан эмес. Анастасиянын Тимати менен түшкөн сүрөттөрүн көрүү үчүн анын интернеттеги өздүк баракчасына 1,5 миллиондон ашык колдонуучу катталган. Модель да ага катталгандарды эриктирбей, рэпер менен түшкөн сүрөттөрүн байма-бай жүктөп турат.

Тиматинин жана анын мурунку сүйгөнү Алёна Шишкованын ортосунда 3 жаштагы кызы бар, буга карабастан баш кошууга жетпей эле экөөнүн ашыктык мамилесине чекит коюлган.

Автор: Айзада Тураркулова
Фото: Интернеттен алынды