"ART-ORDO" эл аралык театрлар фестивалында Бактыгүл Чотурованын калемине таандык "Тумар ханыша" спектакли Гран-Приге ээ болду

Кыргыз улуттук академиялык драма театрынын актёрлору

Бактыгүл Чотурова жана Марат Козукеев

Бишкекте кечээ, 16-сентябрда "ART-ORDO" VI эл аралык театрлардын фестивалы соңуна чыгып, Гран-Прини Токтоболот Абдумомунов атындагы Кыргыз улуттук академиялык драма театры койгон акын, драматург Бактыгүл Чотурованын калемине таандык "Тумар ханыша" спектакли жеңип алды. Жагымдуу жаңылыкты SUPER.KG порталына Бактыгүл Чотурова өзү сүйүнчүлөдү.

"Фестивалга жалпысынан 10дон ашуун спектакль катышып, алардын ичинен "Тумар ханыша" баш байгеге ээ болду. Кубанычымда чек жок. Негизи мен бул драманы жазып гана койгонум болбосо, ага жан берип жаткан театр кызматкерлери жана спектаклди койгон режиссёр Марат Козукеев. Аталган спектаклдин бет ачары ушул жылдын март айында өткөн, ак жолтой болуп азыркыга чейин аншлаг менен көрүлөт экен. Кечээ фестивалга өзүм катышып, башка мамлекеттен келген коноктордун да аткарууларын көрдүм. Алар да жакшы даярданышыптыр, бирок Гран-При бирөө эле болгондуктан аларга түрдүү наамдар менен сыйлыктар ыйгарылып жатты", - деди акын.

Белгилей кетсек, "ART-ORDO" эл аралык театрлардын фестивалы 11-сентябрда башталып, ага 5 мамлекеттен 13 театр катышкан.

Автор: Наргиза Талантбекова
Фото: Интернеттен алынды

13:12 17-09-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 307 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 692 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1017 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 944 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 529 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1955 0

Архив

Комментарийлер (2)

Aidan88

2017-09-17 13:26:31

Kuttuktaibyz Baktygul eje!!! Kyrgyz uluttuk drama teatrynyn akter,aktrisalary siler azamatsynar kesipkei en talanttuu.teatrdyn ,Kyrgyz tasmalarynyn jyldyzdary!!!!talantynarga taazim,talantynar tashkyntai bersin,chygarmachylyk yigilik jalpy Kyrgyz drama teatrynyn emgek jamaatyna,algan mayananar az bolso dagy emgektenip jurosunor.madaniyatka koshkon salymynyzdar abdan chon.Ushu Kyrgyz dramda kanchalagan zalkar insansadarybyz ishtegen,osho uluu insandarybyzdyn jolun ulap juro berinizder.

grace

2017-09-17 14:57:19

Сыйлык кут болсун!

Комментарий калтыруу үчүн өз ысымыңыз менен кириңиз же каттоодон өтүңүз.