"Терминатор" тасмасынын 1-бөлүгүндөгү актриса Линда Хемилтон 60 жашында 6-бөлүгүнө катышат

Жеймс Кэмерон менен Тим Миллер "Терминатор" фантастикалык тасмасын улантууну пландап жатат. Бул тууралуу чет элдик маалымат булактары жазууда.

Анда маалымдалгандай, андагы Сара Коннордун ролун кайрадан Линда Хэмилтон аткарат. Ал 1984-жылы чыккан "Терминатор", 1991-жылы "Терминатор 2: Судный день" деп аталган бөлүктөрүнө да тартылган.

Мындан тышкары терминатордун ролун кайрадан эле Арнольд Шварценеггер ойнойт.

Тасманын 3-бөлүгү «Терминатор 3: Восстание машин» 2003-жылы жарыкка чыгып, ага Жонатан Мостоу режиссёрлук кылган. Терминатордун ролунда Арнольд Шварценеггер ойногон.

Фантастикалык тасма 2009-жылы кайрадан улантылып, 4-бөлүгү «Терминатор: Да придёт спаситель» деген аталышта чыккан. Режиссёру МакДжи башкы ролдорго Кристиан Бейл, Сэм Уортингтон, Антон Ельчин, Хелена Бонэм Картерди тарткан.

5-бөлүгү - «Терминатор: Генезис» 2015-жылы экранга чыккан. Режиссёру Алан Тейлор бул бөлүктө кайрадан Шварценеггер менен иштешкен. Аталган фантастикалык тасманын ар бир чыгарылган бөлүгү авторлорго ири киреше алып келет. Анын серияларынан түшкөн каражат 1 миллиард 400 миллион долларга жеткен.

Автор: Кызжибек Раимова