Зимбабведе баш кесерлик жумушка кабыл алынуу үчүн элүүдөн ашык адам арыз жазды

Зимбабве Республикасында баш кесер жумушуна кабыл алынуу үчүн элүүдөн ашык адам арыз жазды. Бул тууралуу чет элдик маалымат булактары жазып чыкты.

"Бул жумушка кабыл алынууну каалагандар аз эмес", - деп билдирген өлкөнүн адилет министринин орун басары Виргиния Мабхиза. Анын айтымында, арыз бир нече айдан бери кабыл алынып келген жана арыз жазгандардын арасында эркектер да, аялдар да бар.

"Зимбабведе акыркы 12 жыл ичинде өлүм жазасы кабыл алынган эмес. 2013-жылы өлкөдө жаңы Конституция кабыл алынып, ага ылайык, кылмышкер 21 жашка толо элек жана 70 жаштан улуу болсо ал өлүм жазасына тартылбайт", - деп жазылат маалыматта.

Аталган өлкөдө өлүм жазасын аткаруу дарга асуу аркылуу жүргүзүлөт.

Автор: Кызжибек Раимова