АКШнын мурдагы 5 президенти Техаста өткөн кайрымдуулук концертте жолугушту

АКШнын 5 мурдагы президенттери бир учурда бир жерге чогулушту. Алар 22-октябрда болгон кайрымдуулук концертке чакырылышкан. Чет элдик маалымат каражаттары жазгандай, алардын мындай чогулушу биринчи ирет болуп жатат. Алар Жимми Картер, Жорж Буш-улуусу, Билл Клинтон, Жорж Буш-кичүүсү жана Трампка чейинки президент Барак Обама. Беш президенттин башын бириктирген, Техаста өткөн кайрымдуулук концерт акыркы айларда АКШнын аймагында катталган катуу шамалдардан жабыркагандарга акча чогултуу максатында уюштурулган.

Акциянын уюштуруучулары кабарлагандай, акча чогултуу иш-чарасы сентябрь айында эле башталган. Ал эми 5 президенттин катышуусундагы концерт чечүүчү этап болуп, жыйынтыгында концерттен түшкөн каражат 30 миллион долларга жеткен. Анткен менен акциянын алкагында чогултулган жалпы каражат "Харви", "Мария", "Ирма", "Нэйт" бороондору алып келген чыгымдарга караандабайт. Америка бийлигинин эсептеп чыкканы боюнча аталган табият кырсыктарынан келип чыккан чыгым 300 миллиард долларды чапчыйт.

АКШнын учурдагы президенти Дональд Трамп иш-чарага келип, мурдагы кесиптештери менен жолугуша алган эмес. Ал концерт учурунда видеокайрылуу аркылуу мурдагы 5 президенттин мындай окуяларга кайдыгер карабагандарына ыраазычылыгын билдирген. Ал тилсиз жоо - катуу бороондордон жана Калифорниядагы табигый өрттөн миллиондогон америкалыктар жабыркаганын белгиледи.

Концерттин алкагында "Алабама" кантри-группасы, ырчы Самюэль Мур, Иоланда Адамс жана башка жаш аткаруучу-ырчылар, Леди Гага сыяктуу атактуулар ырдашты.

Автор: Гүлжан Асанкожоева

09:00 23-10-2017

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 930 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 1421 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 590 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 994 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 960 0

14:11 2025-06-28 | Түркүн дүйнө

Иранда куралдуу жаңжалда каза болгондордун тажиясы башталды 1350 0

Архив

Комментарийлер (8)

kechirmeni

2017-10-23 09:38:20

Буш младший карый тушуптур, Клинтон ошол боюнча го

ekaterinburg

2017-10-23 09:42:20

Ммдааа...Биздин экс-президенттерибиз омур бою мынтишпесе керек.

Rifle_I

2017-10-23 09:54:09

ekaterinburg,өмүр бою бири бирин чукулап өлүшөт.

mirlan_86

2017-10-23 11:39:23

Rifle_I,айрыкча АША эчкимге кошула албаса керек

Sezim.A

2017-10-23 10:08:10

Улгу алса болчуудай экен биздин президенттер.

Leilektik

2017-10-23 10:37:54

300миллиард чыгаша атан горуу,бизге 4миллиардын жонотуп койсо карыздардан полностью кутулуп алат Белек ,биздин призденттерди Аллах эле наркы дуйнодо чакырып жолуктурбаса жолукпай калдыго бул жарык дуйнодо!

+10

aselushka

2017-10-23 11:39:31

Бизде президенттер оздору концерт болот, ырчыларсыз эле

AKCAHAT

2017-10-23 12:00:38

Демократия, таза шайлоо, тандоо укугу деген ушундай болот. Тарыхта 50 го жакын президент шайланды. 10ж ичинде 2 жолу алмашат. 5 президент. Мындай системаны СНГ мн Россиянын атуулдары 100жолу уктап 101 жолу туш корсо дагы кирбесе керек тушуно. Каждый раз каждый выбор ошол эле тааныш кожойундар. Ошондуктан прогресс жок, 1 эле клан басып алган баардык системаларды)))

Комментарий калтыруу үчүн өз ысымыңыз менен кириңиз же каттоодон өтүңүз.