Актёр Кевин Спейси жана продюсер Харви Вайнштейн сексуалдык көз карандылыктан арылуу үчүн дарыланууда

Кевин Спейси жана Харви Вайнштейн

Дастин Хоффман

Америкалык актёр Кевин Спейси жана продюсер Харви Вайнштейн интимдик катнаштан көз каранды болуудан арылуу үчүн дарыланып жатышат. Бул тууралуу чет элдик басылмалар жазып чыгышты.

Маалыматка ылайык, актёр Кевин Спейси интимдик мамиледеги көз карандуулуктан арылуу үчүн Харви Вайнштейн дарыланып жаткан бейтапканадагы адистерге кайрылган. "Оскар" сыйлыгынын ээлери болгон актёр жана продюсёр Америкадагы эң мыкты деп эсептелген бейтапканалардын бирин тандап алышкан.

Спейси үчүн иштелип чыккан 45 күндүк дарылоо ыкмасы "Назик жол" деп аталат. Ал өзүнө адистер менен болгон сүйлөшүүлөрдү жана чыгармачылык менен алектенүүнү камтыйт. Вайнштейн бул бейтапканада 11-октябрдан бери жаткандыгы маалым болгон.

Эскерте кетсек, бир катар актрисалар, моделдер белгилүү продюсер Вайнтшейндин аларга карата жасаган сексуалдык мүнөздөгү иш-аракеттерин айтып беришип, Голливудда чуу жаратышкан. Мындан көп өтпөй эле атактуу актёр Кевин Спейси, Дастин Хоффман да ушундай сексуалдык мүнөздөгү иш-аракеттерди жасаганын бир убакта чогуу иштешкен айымдар билдиришкен.

Автор: Айзада Тураркулова