Зимбабвенин президенти Роберт Мугабе кызматтан кетти

Зимбабвенин президенти Роберт Мугабе кызматтан кетти. Бул тууралуу чет элдик маалымат каражаттары бүгүн, 21-ноябрда жазып чыгышты.

Маалыматка караганда, президенттин арызын өлкө парламентинин төрагасы Якоб Муденда окуп берген. Аны депутаттардын көпчүлүгү кубануу менен кабыл алышкан. Мугабенин кайрылуусунда, бийликти тынч өткөрүп берүү үчүн өз эрки менен отставкага кетип жатканы айтылган.

Бүгүн өлкөнүн парламенти президент Роберт Мугабеге импичмент жарыялоо чечимин кабыл алышкан. Ага ылайык өлкө башчы 24 сааттын ичинде кызматтан өз эрки менен кетиш керек болчу.

Буга чейин Мугабе отставкага кетүүдөн баш тартып, башкаруучу партиянын лидерин шайлоону талап кылган. Ошондой эле ал эгер жеңилип калса гана бийликтен кетерин жана ал жалгыз легитимдүү башкаруучу экенин айткан.

Айта кетсек, 14-ноябрь түнү Зимбабвенин борбору Харареде аскер кызматкерлери оор техникалар менен бир катар мамлекеттик мекемелерди көзөмөлгө алышкан. Кийинки күнү өлкөнүн президенти 93 жаштагы Роберт Мугабе жана 52 жаштагы аялы Грейс Мугабе кармалып, үй камагына алынган болчу. Зимбабвенин аскер кызматкерлери өлкөдөгү окуяны "аскерий төңкөрүш" деп атоодон баш тартышып, президенттин айланасындагы “кылмышкерлерге” каршы операция деп аташкан.

93 жаштагы Роберт Мугабе отуз жылдан бери Зимбабвени башкарып турган. Ага чейин дагы жети жыл өкмөттү жетектеген.

Автор: Бекжан Рыскулов

23:31 21-11-2017

Жазылуу

РУБРИКАДАГЫ СОҢКУ КАБАРЛАР

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 34 0

10:50 2025-05-01 | Супер-Инфо

Француз десерти – профитроли 38 0

10:38 2025-05-01 | Түркүн дүйнө

Путин үч жылдан бери түнүнүн көбүн өткөргөн Кремлдеги батирин көрсөттү (видео) 267 0

10:15 2025-05-01 | Маданият, шоу-бизнес

"Оор жашоону көргөнбүз". Актёр Актан Рыскелдиевге жубайы унаа белек кылды (видео) 438 0

10:10 2025-05-01 | Супер-Инфо

Мамилени бекемдеген сүйүүнүн 5 тили 129 0

09:57 2025-05-01 | Түркүн дүйнө

Өзбекстанда электрондук тамекиге толугу менен тыюу салынды 181 0

Архив

Комментарийлер (4)

General.kg

2017-11-21 23:38:16

Биздики да кетип жатат))

+12

Nazaroff1974

2017-11-21 23:40:22

Э бу Африка олколорун эмне кыласынар,крокодил же горилла президент болсо деле барибир эмеспи.Озубуздо жанылык толтура го,кыкелердин турмушунан жазгыла да.

-12

jbolotov

2017-11-22 00:09:40

Атамбаевдида кайра келбейтурган кылып жетелей кетчи сураныч.

Totyua.71.

2017-11-22 07:17:47

jbolotov,Аны Обамага айтыш керек

-1

Комментарий калтыруу үчүн өз ысымыңыз менен кириңиз же каттоодон өтүңүз.