Кыргыз спортчулары пауэрлифтинг боюнча Дүйнө чемпиондугуна катышат

Мексиканын Мехико шаарында 29-ноябрдан 7-декабрга чейин өтө турган пауэрлифтинг боюнча ден соолугунун мүмкүнчүлүгү чектелген адамдар арасындагы Дүйнө чемпиондугуна Кыргыздын атынан 5 спортчу катышат. Бул тууралуу Жаштар иштери, дене тарбия жана спорт агенттиги маалымдайт.

Маалыматка ылайык, аталган мелдешке "Рио-2016" олимпиада оюндарына катышып, 5-орунду ээлеген Эсен Калиев жана 6-орунду ээлеген Жыргалбек Оросбаев катышат. Кыргыз курама командасы Мексикага 29-ноябрда сапар тартышмакчы.

Кыргыз курама командасынын тизмеси:

54 килограммга чейинки салмак ченинде: Эсен Калиев;

72 килограммга чейинки салмак ченинде: Максат Аргымбаев;

88 килограммга чейинки салмак ченинде: Сагынбек Махаматкул уулу;

97 килограммга чейинки салмак ченинде: Адилет Камчыбеков;

107 килограммга чейинки салмак ченинде: Жыргалбек Оросбаев;

Башкы машыктыруучу: Аднан Жабраилов.

Автор: Нурсултан Нурболот уулу
Фото: Интернеттен алынган