Орусия курама командасы Түштүк Кореянын Пйоңчаң шаарында өтчү кышкы Олимп оюндарынан четтетилди

Эл аралык Олимпиада комитети Орусиянын курама командасына Түштүк Кореянын Пйоңчаң шаарында өтчү кышкы Олимп оюндарына катышууга тыюу салды. Буга Орусиянын бийлиги колдоого алган допинг программасы себеп болгону айтылды. Анткен менен комитет кызытма чыкпаган "таза" спортчуларга Олимпиадада Орусиянын эмес, нейтралдуу желек менен чыгууга уруксат берди.

Мындай чечим 5-декабрда эл аралык комитеттин Лозаннада өткөн жыйынында Самуэл Шмид жана Денис Освальддын баяндамасы каралган соң чыгарылды. Освальддын комиссиясы орусиялык спортчулардын 2014-жылкы Сочи Олимпиадасындагы допинг анализдерин бурмалоону иликтеген.

Комитеттин чечимине ылайык, Орусиянын спорт комитети толугу менен дисквалификацияланды жана Орусиянын Спорт министрлигинин бир да өкүлүнө Түштүк Кореядагы оюндарга аккредитация берилбей турган болду.

2016-жылы Допингге каршы эл аралык агенттиктин (WADA) комиссиясы Орусиянын олимпиадалык мелдештерге катышкан спортчулары мамлекет өзү тескеген кеңири масштабдагы кызытма программасына тартылганын далилдеген. Ал ишке бийликтеги адамдардан тышкары ФСБнын кызматкерлери да катышканы ачыкка чыккан. Атап айтканда, алар Сочидеги оюндар маалында позитивдүү анализдерди алмаштырып турган.

Сентябрда 17 өлкөнүн улуттук антидопинг уюмдары Сочи Олимпиадасындагы бурмалоолорду жана таза атаандаштык милдеттенмелерин аткарбай жатканын эске алуу менен, Орусияны 2018-жылкы кышкы оюндардан четтетүүнү талап кылышкан.

Автор: Бекжан Рыскулов

09:39 06-12-2017

Жазылуу

РУБРИКАДАГЫ СОҢКУ КАБАРЛАР

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 63 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1542 0

16:07 2025-05-01 | Маданият, шоу-бизнес

Ырчы Ильяз Андаш уулдуу болду (видео) 225 0

15:45 2025-05-01 | Коом жана турмуш

Бишкекте бүгүндөн тарта фонтандар иштей баштады 218 0

15:10 2025-05-01 | Супер-Инфо

Кадыр Жарматов, шоумен: «Кара дуба, сыйкыр бар экенине ишендим» 195 0

15:09 2025-05-01 | Коом жана турмуш

Бишкектеги вокзалда "маршрутка" таппай кыйналган элдин видеосу тарады 812 0

Архив

Комментарийлер (3)

nurhan2702

2017-12-06 09:49:22

Даа, каерде болбосун бурмалоо деген болот да. Биздин балбаныбызга деле коло медаль берип алышып, кайра тартып алып коюшту го. Карап корсо Кыргызстан алсыз мамлекет, анан жалган жалаа мн четке чыгарышты. Кайран элим, кайран балбаныбыз. Колдоосуз калып кетти

clay

2017-12-06 13:47:26

nurhan2702, Кеп анда эмес! Россияны деле четтетип салышты!

TalaCSKA

2017-12-06 11:16:15

Олимпийский флаг менен катышканга уруксат бериптир бул кандай ? Олимпийский флаг менен непризнание государстволор катышчы эле эмне Россияны не признают что ли? еще 15 млн доллар толоп бериш керек экен МОКко расследованиеге кеткен чыгым катары.Родченковтун созу менен эле ушундай кадамдарга барса анда Олимпийский движениенин эмне кереги бар.эми Пхенчхан га киргизбегени аз келгенсип футболдон четтеткенге болгон аракетин жумшап атат.футболистер да допинг колдонгон болушу мумкун деген шылтоо менен эх

Комментарий калтыруу үчүн өз ысымыңыз менен кириңиз же каттоодон өтүңүз.