Көк бөрү оюну ЮНЕСКОнун маданий мурастар тизмесине киргизилди

Көк бөрү улуттук оюну ЮНЕСКОнун материалдык эмес маданий мурастарынын тизмесине киргизилди. Бул тууралуу ЮНЕСКОнун расмий сайтында жарыяланды. Маалыматты Кыргыз Республикасынын Көк бөрү федерациясы да тастыктады.

Маалыматка ылайык, кыргыздын улуттук оюну Түштүк Кореянын Чежу аралында материалдык эмес маданий мурастарды коргоо боюнча өкмөттөр аралык комитеттин 12-сессиясында каралган. Анда көк бөрү ЮНЕСКОнун материалдык эмес маданий мурастарынын тизмесине киргизилген.

Көк бөрү федерациясынан маалымдалгандай, буга чейин 2014-жылы көк бөрү оюнун каттоого документтер жиберилгенде кайра толуктоолорду киргизүү үчүн артка кайтарылган. Бул жылы жалпысынан тизмеге киргизүү 49 номинация менен каралган. Анын ичинде Германиянын "Орган музыкалык аспабын даярдоо жана орган музыкалары", Италиянын "Неаполитан пиццаларын даярдоо өнөрү" жана башкалар кирген.

Буга чейин ЮНЕСКОнун материалдык эмес маданий мурастарынын тизмесине Кыргыздын "Манас", "Семетей", "Сейтек" эпикалык үчилтиги, ала кийиз менен шырдак, айтыш өнөрү, боз үй, Нооруз майрамы, Оштогу Сулайман-Тоо кирген.

Материалдык эмес маданий мурастарга салттар, муундан муунга өткөн чыгармачылыктардын түрлөрү, аткаруу искусствосу, социалдык салтанаттар, майрамдык жана ритуалдык ырымдар, жаратылыш менен байланышкан билим жана көз караштар, ошондой эле салттуу кол өнөрчүлүк техникасы кирет. Тизме коомчулуктун көңүлүн материалдык эмес мурастарга буруу ыкмасы болуп эсептелинет. Бул тизмедеги мурастарды ЮНЕСКО эл аралык деңгээлде жайылтууга, аны коргоого алууну көздөйт.

Автор: Кызжибек Раимова
Фото: Кыргыз Республикасынын ЮНЕСКО иштери боюнча Улуттук комиссиясы

11:13 07-12-2017

Жазылуу

РУБРИКАДАГЫ СОҢКУ КАБАРЛАР

18:34 2025-05-10 | Саясат

Бишкектеги мектептердин бири казак президентинин атасынын наамын алды 136 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 160 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 697 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 545 0

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 523 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 1121 0

Архив

Комментарийлер (6)

Ago

2017-12-07 11:15:28

Урматтуу кыргыз элим Мен сиздерди чын журоктон куттуктаймын Жараткан биз менен!

bakyt78

2017-12-07 11:27:57

Эми кокборуну ЮНЕСКОго киргизсенер жакшыда, кок бору кыргыз элинин улуттук оюну экендигин бут дуйно билет. Дуйнолук жазгы олимпиада оюндарына киргизсенер анданда жакшы болот.

nurlan2017

2017-12-07 11:48:12

bakyt78,ооба муиуз чыгат кыргызга чыкканда да жакшы чыгат! Аны сен бул денгеелин менен каидан тушуносун тушунушун учун журогун кыргыз деп согуш керек кыргыз деп согуш учун анда сен ат минип улак тартып каира торолушун керек аиылда?

-12

nurlan2017

2017-12-07 15:03:58

bakyt78,эми онолдун созунон!

-2

islamik

2017-12-07 12:02:23

Жакшы жанылык бут дуйного таанымал

tynchtyk93

2017-12-07 14:32:43

Ото кубанычтамын ушуну аябай куткон элем

Комментарий калтыруу үчүн өз ысымыңыз менен кириңиз же каттоодон өтүңүз.