Америкалык ырчы Бейонсеге окшош кызды ырчынын күйөрмандары тажатты

Америкалык ырчы Бейонсеге окшош кызды ырчынын күйөрмандары тажатты. Бул тууралуу маалыматты чет элдик басылмалар жазууда.

Маалыматта жазылгандай, поп-аткаруучу Бейонсеге окшош Бриттани Уильямс аттуу кыз Американын Детройт шаарында жашайт. Ал кайда барбасын Бейонсенин күйөрмандары анын тынчын алышат.

Уильямс жергиликтүү басылмалардын бирине берген маегинде: "Бейонсенин күйөрмандары мен кайда жүрбөйүн дайыма тынчымды алышат. Эс алуу кечелерде, керек болсо учактын ичинде да кол тамга сурап же болбосо сүрөткө түшүп алууну суранышып айламды кетиришет. Бир жолу курбу кызым экөөбүз бара жатсак, артыбыздан аялдар ээрчип унаага чейин кубалап келишкен. Биз унаага отуруп алсак, алар бут кийимдери менен терезелерди сындырып коё жаздашкан", - деп билдирген.

Буга карабастан Бриттани Бейонсеге окшош экендиги менен сыймыктанат. Ал да жакшы бийлеп, ырдай тургандыгын айтат. Ал келечекте Бейонсенин эмес өзүмдүн күйөрмандарым артымдан калбай ээрчисе деп кыялданат.

Автор: Айзада Тураркулова