62 кабаттуу имараттын чатырынан кулап каза болгон кытайлык блоггердин видеосу интернетке тарады

Ушул жылдын 8-ноябрында Кытайдын популярдуу блоггер жана руфери (“Roof» - англ. “чатыр”, чатырга чыгып, ар кандай акылга сыйбаган трюктарды жасаган адам) У Юннин трюк жасап жаткан учурунда каза болгон. Бирок анын жакындары бул маалыматты арадан 1 ай өткөн соң гана тастыкташты.

Белгилүү болгондой, ал Чанша шаарындагы 62 кабаттуу асман тиреген имараттын чатырына чыгып, белгисиз демөөрчү үчүн трюктарды аткарып жаткан. Бул үчүн ал 15 миң долларга жакын гонорар алмак. Ал акчаны оорулуу апасынын дарылануусуна жана өзүнүн үлпөт тоюна жумшоону пландаган. Бирок трюк аткарып жаткан учурда күтүлбөгөн жерден кулап кетип, жыйынтыгында жарык дүйнө менен кош айтышкан.

У Юннин – 26 жашта болгон. Мурда каскадёрлук менен алектенип, сериалдарга масса иретинде тартылып келген. 2017-жылдын февраль айынан тарта Кытайдагы Weibo социалдык түйүнүнө бийик имараттардын чатырынан жасаган трюктарын жүктөп, аларды эч кандай коопсуздукту сактоо куралы жок аткара турганын айтып келген. Ушул күнгө чейин 300гө жакын видео жүктөгөн руферге миллиондон ашуун окурман катталган. Ал акыркы видеосун 8-ноябрь эртең менен жүктөп, ошондон тарта дайыны чыкпай калган. Мындан улам ага катталган окурмандар руфердин ден соолугунан сарсанаа болушуп, ар түрдүү божомолдорду айтып келишкен. Ал эми толук 1 айдан соң 8-декабрда анын сүйүктүүсү интернеттеги баракчасына “Мен 8-ноябрь тууралуу ойлонуп жатам. Сен бул дүйнө менен коштошкон күн тууралуу...” деген билдирүү калтырган. Андан соң анын акыркы, кулап бара жаткан видеосу интернетке тараган.

62 кабаттуу имараттан кулап каза болгон блоггер (нерви жукаларга сунушталбайт)

Автор: Наргиза Талантбекова

11:38 12-12-2017

Жазылуу

РУБРИКАДАГЫ СОҢКУ КАБАРЛАР

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 34 0

10:50 2025-05-01 | Супер-Инфо

Француз десерти – профитроли 38 0

10:38 2025-05-01 | Түркүн дүйнө

Путин үч жылдан бери түнүнүн көбүн өткөргөн Кремлдеги батирин көрсөттү (видео) 267 0

10:15 2025-05-01 | Маданият, шоу-бизнес

"Оор жашоону көргөнбүз". Актёр Актан Рыскелдиевге жубайы унаа белек кылды (видео) 438 0

10:10 2025-05-01 | Супер-Инфо

Мамилени бекемдеген сүйүүнүн 5 тили 129 0

09:57 2025-05-01 | Түркүн дүйнө

Өзбекстанда электрондук тамекиге толугу менен тыюу салынды 181 0

Архив

Комментарийлер (7)

gute

2017-12-12 11:48:35

Атын чыкпаса жер ортто. Кылаарга башка иш калбай калдыбы. Башка жумушта иштесе деле акча табылмакта.

Kg.arts.

2017-12-12 13:50:55

Бул ушул муноттордо бир нерсе болду. Озун да которо албай калды.

Kg.arts.

2017-12-12 13:58:28

Бугун сонку кабардан жалан эле кайгылуу жанылыктар го.

Azatbek83

2017-12-12 16:50:42

Жаман болуптур! Биздикилер да этият болгула айрыкча кыздар кечее эле бироосу мостон куладыго селфи кылам деп жакшы куткаруучулар убагында коруп сактап калышты!

miss2014

2017-12-12 21:11:41

Абдан окунучтуу

TalaCSKA

2017-12-12 21:43:12

Колу карышып кеткенго эмесе соонун эле озун озу которуп жаткан ээх жаман болуптур

kanimet.95kg

2017-12-13 00:33:12

Тюркту аткаруу учун кучун жумшап кайра чыгаарда бутттары тайгаланып.... Озу деле ушунчалык кааласа керек бироо жарым жок жерден чыга калып кармап калуусун. Эхх аттин кээде жашоо кичинекей каталарды өтө катуу жазалап коётта. Бул кыздын ошол кездеги абалын ошондой ситуацияга тушуп калгандар жакшы тушунушот го

Комментарий калтыруу үчүн өз ысымыңыз менен кириңиз же каттоодон өтүңүз.