Бүгүн, 27-декабрга караган түнү Талас облусунун Кара-Буура районунда катуу шамал катталган. Бул тууралуу SUPER.KG порталына Өзгөчө кырдаалдар министрлигинин басма сөз кызматчысы Элмира Шерипова билдирди.
"Болжол менен түнкү саат 3:00 чамасында Кара-Буура районунда ылдамдыгы секундасына 25-30 метрге чейин жеткен шамал катталган. Жергиликтүү тургундардын айтымында, шамал чынында эле катуу болгон. Азыркы учурда ӨКМнын кызматкерлери териштирүү иштерин жүргүзүп жатышат. Азырынча шамалдын кесепетинен жабыр тарткандардын саны аныктала элек", - деди ал.